Le Roman de la Rose\u00a0est une \u0153uvre po\u00e9tique fran\u00e7aise m\u00e9di\u00e9vale de 21\u00a0780\u00a0vers octosyllabiques\u00a0sous la forme d\u2019un r\u00eave all\u00e9gorique. Il a \u00e9t\u00e9 \u00e9crit en deux temps\u00a0:\u00a0Guillaume de Lorris\u00a0\u00e9crivit la premi\u00e8re partie (4\u00a0058\u00a0vers) entre\u00a01230\u00a0et 1235, puis l\u2019ouvrage fut repris et compl\u00e9t\u00e9 par\u00a0Jean de Meung\u00a0(17\u00a0722\u00a0vers).<\/p>\n\n\n\n
Le\u00a0Roman de la Rose\u00a0fut un \u00e9norme succ\u00e8s litt\u00e9raire d\u00e8s sa parution et jusqu’\u00e0 la\u00a0Renaissance.<\/p>\n\n\n\n
Pour le lecteur familier du\u00a0fran\u00e7ais moderne, le\u00a0Roman de la Rose\u00a0n’est pas aussi illisible qu’il n’y para\u00eet\u00a0; il faut s’habituer \u00e0 certaines conventions orthographiques du\u00a0XIIIe<\/sup>\u00a0si\u00e8cle\u00a0et aussi \u00e0 certains traits dialectaux des manuscrits<\/p>\n\n\n\n Table des Mati\u00e8res<\/p>\n\n\n\nLe Roman de la Rose de Guillaume de Lorris<\/h2>\n\n\n\n
\u2022 Cy est le rommant de la rose...\n \u2022 Hayne\n \u2022 F\u00e9lonnie\n \u2022 Villenie\n \u2022 Couvoytise\n \u2022 Avarice\n \u2022 Envie\n \u2022 Tristesse\n \u2022 Vieillesse\n \u2022 Papelardie\n \u2022 Povret\u00e9\n \u2022 S'ensuyt l'Acteur\n \u2022 Comment Oyseuse ouvrit la porte a l'Amant. et puis s'en d\u00e9porte\n \u2022 Comment l'Amant parle a Oyseuse ; Qui luy fut assez gracieuse.\n \u2022 Ci parle l'Acteur sans frivolle...\n \u2022 Comment le dieu d'Amours suyvant...\n \u2022 Comment Narcisus se mira ...\n \u2022 Comment Amour au beau jardin...\n \u2022 Comment Amours sans plus attendre...\n \u2022 Comment apres ce beau langaige...\n \u2022 Amours parle a l'Amant\n \u2022 L'Amant respond a Amours\n \u2022 Amours a l'Amant\n \u2022 Comment Amours tresbien et souef...\n \u2022 L'Amant parle\n \u2022 Amours a l'Amant\n \u2022 L'Amant parle a Amours\n \u2022 Amour respond a l'Amant\n \u2022 L'Amant\n \u2022 Comment le dieu d'Amours enseigne...\n \u2022 L'Amant parle a Amours\n \u2022 Amours parle a l'Amant\n \u2022 Comment l'Amant dit cy qu'Amours...\n \u2022 Comment Bel Acueil humblement...\n \u2022 Bel Acueil parle \u00e0 l'Amant\n \u2022 L'Amant respond\n \u2022 Bel Acueil a l'Amant\n \u2022 L'Amant\n \u2022 Bel Acueil a l'Amant\n \u2022 L'Acteur\n \u2022 Dangier a Bel Acueil\n \u2022 Comment Dangier villainement...\n \u2022 L'Amant a part soy\n \u2022 Comment Raison de Dieu aym\u00e9e...\n \u2022 Raison a l'Amant\n \u2022 Cy respond l'Amant par rebours...\n \u2022 Comment par le conseil d'Amours...\n \u2022 Comment Amys moult doulcement...\n \u2022 L'Amant\n \u2022 Comment l'Amant vint a Dangier...\n \u2022 Dangier a l'Amant\n \u2022 L'Amant\n \u2022 Amys a l'Amant\n \u2022 L'Amant\n \u2022 Comment Piti\u00e9 avec Franchise...\n \u2022 Franchise a Dangier\n \u2022 Piti\u00e9 a Dangier\n \u2022 Dangier a Franchise et Piti\u00e9\n \u2022 L'Acteur\n \u2022 Franchise a Bel Acueil\n \u2022 Bel Acueil aux deux dames\n \u2022 L'Amant\n \u2022 Comment Bel Acueil doulcement...\n \u2022 Bel Acueil escondit l'Amant\n \u2022 L'Amant\n \u2022 V\u00e9nus a Bel Acueil\n \u2022 Comme l'ardant brandon V\u00e9nus...\n \u2022 Comment par la voix Male Bouche...\n \u2022 L'Amant\n \u2022 Honte parlant a Jalousie\n \u2022 Jalousie parle a Honte\n \u2022 L'Acteur\n \u2022 Paour parle a Honte\n \u2022 Comment Honte et Paour aussi...\n \u2022 Honte a Dangier\n \u2022 Paour a Dangier\n \u2022 L'Acteur\n \u2022 Dangier\n \u2022 L'Amant\n \u2022 Comment par envieux atour...\n \u2022 L'Amant\n<\/pre>\n\n\n\n
Cy est le rommant de la rose…<\/h3>\n\n\n\n
Cy est le rommant de la rose\nOu tout l'art d'amour est enclose\nMaintes gens vont disant que songes\nNe sont que fables et mensonges\nMais on peult tel songe songer\nQui pourtant n'est pas mensonger\nAins est apres bien apparent\nSi en puis trouver pour garant\nMacrobe ung aucteur treaffable\nQui ne tient pas songes a fable\nAincoys escript la vision\nLaquelle advint a Scipion\nQuiconques cuyde ne qui die\nQue ce soit une musardie\nDe croire qu'aucun songe advienne\nQui vouldra pour fol si m'en tienne\nCar quant a moy j'ay confiance\nQue songe soit signifiance\nDes biens aux gens et des ennuytz\nLa raison, on songe par nuytz\nMoult de choses couvertement\nQu'on voit apres appertement.\nSur le vingtiesme an de mon eage\nAu point qu'amours prent le peage\nDes jeunes gens, coucher m'alloye\nUne nuyt comme je souloye\nEt de fait dormir me convint\nEn dormant ung songe m'advint\nQui fort beau fut a adviser\nComme vous orrez deviser\nCar en advisant moult me pleut\nEt oncques riens au songe n'eut\nQui du tout advenu ne soit\nComme le songe recensoit.\nLequel vueil en rime d\u00e9duire\nPour plus a plaisir vous induire\nAmours m'en prie et le commande\nEt si d'adventure on demande\nComment je vueil que ce rommant\nSoit appell\u00e9, sache l'amant\nQue c'est le Rommant de la rose\nOu l'art d'amour est toute enclose\nLa matiere est belle et louable\nDieu doint qu'elle soit aggr\u00e9able\nA celle pour qui j'ay empris\nC'est une dame de hault pris\nQui tant est digne d'estre aym\u00e9e\nQu'elle doit rose estre clam\u00e9e.\nAdvis m'estoit a celle foys\nBien y a cinq ans et six moys\nQue je songeoye au moys de may\nAu temps amoureux sans esmoy\nAu temps que tout rit et s'esgaye\nQu'on ne voit ny buysson ne haye\nQui en may parer ne se vueille\nEt couvrir de nouvelle fueille\nLes boys recouvrent leur verdure\nQui sont secz tant que l'yver dure\nTerre mesme fiere se sent\nPour la ros\u00e9e qui descend\nEt oublie la povret\u00e9\nOu elle a tout l'yver est\u00e9.\nEn effect si gaye se treuve\nQu'elle veult avoir robe neufve\nEt scait si conjoincte robe faire\nQue de couleurs a mainte paire\nD'herbes et fleurs rouges et perses\nEt de maintes couleurs diverses\nEst la robe que je devise\nParquoy la terre mieulx se prise.\nLes oyseletz qui se sont teuz\nDurant que les grans froitz ont euz\nPour le fort temps d'ivers nuysible\nSont si ays\u00e9s au temps paisible\nDe may qu'ilz monstrent en chantant\nQu'en leurs cueurs a de joye tant\nQu'il leur convient chanter par force.\nLe rossignol adonc s'efforce\nDe chanter menant doulce noyse\nLors s'esvertue et se degoyse\nLe papegault et la calendre\nSi convient jeunes gens entendre\nA estre gays et amoureux\nPour le beau printemps vigoureux.\nDur est qui n'ayme d'amour franche\nQuant il oyt chanter sur la branche\nAux oyseaulx les chans gracieulx\nEn celluy temps d\u00e9licieux\nOu toute rien d'aymer s'esjoye.\nPar une nuyt que je songeoye\nMe sembla dormant fermement\nQu'il estoit matin proprement\nDe mon lict tantost me levay\nMe vesty et mes mains lavay\nTiray une esguille d'argent\nD'ung aiguillier mignon et gent\nEt voullant l'esguille enfiller\nHors de ville euz d\u00e9sir d'aller\nPour ouyr des oyseaulx les sons\nQui or chantoyent par les buyssons.\nEn ycelle saison nouvelle\nCousant mes manches a videlle\nM'en allay tout seul esbatant\nEt les oysillons escoutant\nQui de bien chanter s'efforcoient\nPar les jardins qui fleurissoient\nJoly et gay plain de lyesse.\nVers une riviere m'adresse\nQue j'ouy pres d'illecques bruyre\nCar plus beau lieu pour me d\u00e9duyre\nNe vy que sur ceste riviere.\nD'ung petit mont d'illec derriere\nDescendoit l'eau courant et royde\nFresche bruyant et aussi froide\nComme puys ou comme fontaine\nSi creuse n'estoit pas que Seine\nMais elle estoit plus espandue\nJamais veue ny entendue\nJe n'avoye ceste eau qui couloit\nParquoy mon oeil ne se sauloit\nDe regarder le lieu plaisant\nDe ceste eau claire et reluysant.\nJ'eu lors mon visaige lav\u00e9\nSi vy bien couvert et pav\u00e9\nTout le fons de l'eau de gravelle\nEt la prairie grande et belle\nAu pied de cestuy mont batoit\nClaire, serie et belle estoit\nLa matin\u00e9e, et temp\u00e9r\u00e9e\nLors m'en allay parmy la pr\u00e9e\nTout contre val esbanoyant\nCe beau rivaige costoyant\nQuant fuz ung peu avant all\u00e9\nJe vy ung verger long et l\u00e9\nEnclos d'ung hault mur richement\nDehors entaill\u00e9 vivement\nA mainctes riches empoinctures\nLes ymaiges et les painctures\nDu mur partout je remiray\nParquoy voulentiers vous diray\nD'icelle la forme et semblance\nAinsi que j'en ay remembrance.\n<\/pre>\n\n\n\n
Hayne<\/h3>\n\n\n\n
Au millieu Haine se remyre\nQui par Faulx Rapportz et par Yre\nSembloit bien estre mouveresse\nDe noyses aussi tanceresse\nEt bien ressembloit ceste ymaige\nFemme de tresmauvais couraige\nD'habitz n'estoit pas bien aorn\u00e9e\nNe d'acoustremens ordonn\u00e9e\nLe visaige avoit tout fronc\u00e9\nLe nez large, et l'oeil enfonc\u00e9\nFlestrye estoit et enroill\u00e9e\nEt par la teste entortill\u00e9e\nHydeusement d'une touaille\nDe tres orde et villaine taille\n<\/pre>\n\n\n\n
F\u00e9lonnie<\/h3>\n\n\n\n
Une autre ymage mal rassise\nEt fiere a veoir, y eut assise\nPres de Haine \u00e0 senestre d'elle\nSur la teste son nom rebelle\nVy escript c'estoit F\u00e9lonnie\nEt d'icelles pas je ne nye\nQue bien ne fust a sa droicture\nPourtraicte selon sa nature\nCar f\u00e9lonnement estoit faicte\nEt sembloit collere et deffaicte\n<\/pre>\n\n\n\n
Villenie<\/h3>\n\n\n\n
L'autre ymaige apres F\u00e9lonnie\nEstoit nomm\u00e9e Villenie\nSeant pres de Haine sur destre\nEt estoit presque de tel estre\nQue les deux et de tel facture\nBien sembla faulce cr\u00e9ature\nMesdisante et trop courageuse\nAinsi que une femme oultrageuse\nBrief bien scavoit paindre et pourtraire\nCil qui tel ymage sceut faire\nCar bien sembloit chose vilaine\nDe despit et d'ordure plaine\nEt femme qui bien peut scavoit\nHonnorer ce qu'elle devoit.\n<\/pre>\n\n\n\n
Couvoytise<\/h3>\n\n\n\n
Apres fut paincte Couvoytise\nC'est celle qui les gens attise\nDe prendre et de riens ne donner\nEt les grans tr\u00e9sors amener.\nC'est celle qui fait a usure\nPrester pour la tresgrant ardure\nD'avoir, conquerre et assembler\nC'est celle qui semont d'embler\nLes larrons plains de meschant vueil\nC'est grant p\u00e9ch\u00e9, mais c'est grant dueil\nA la fin quant il les fault pandre.\nC'est celle qui fait l'autruy prendre\nJ'entens prendre sans achepter\nQui fait tricher et crocheter.\nC'est celle qui les desvoyeurs\nFait tous et les faulx plaidoyeurs\nQui maintes fois par leurs cautelles\nOstent aux varletz et pucelles\nLeurs droitz et leurs rentes escheuz\nCourbes, courtes et moult crocheuz\nAvoit les mains icelle ymage,\nBien est painct ; car tousjours enrage\nCouvoytise de l'autruy prendre\nCouvoytise ne scait entendre\nFors de l'autruy tout acrocher\nCouvoytise \u00e0 l'autruy trop cher.\n<\/pre>\n\n\n\n
Avarice<\/h3>\n\n\n\n
Une autre ymage y eut assise\nCoste \u00e0 coste de Couvoytise\nAvarice estoit appell\u00e9e\nOrde, salle, laide et pell\u00e9e\nDe toutes pars maigre et ch\u00e9tive\nEt aussi verte comme cyve.\nTant paressoit alangour\u00e9e\nQu'\u00e0 la veoir si descoulour\u00e9e\nSembloit chose morte de fain\nQui ne vesquist fors que de pain\nPaistry en lessive et vinaigre\nEt avec ce qu'elle estoit maigre\nElle estoit povrement vestue.\nCotte avoit vieille et desrompue\nComme si chiens plus de treize\nL'eussent tinse et si estoit raise\nEt plaine de vieil maint lambeau.\nPres d'elle pendoit ung manteau\nA une perche moult greslette\nEt une robbe de brunette.\nAu manteau est\u00e9 ou yver\nN'avoit penne de menu ver\nMais d'aigneaulx veluz et pesans\nEt la robbe avoit bien seize ans\nLaquelle encore sans mentir\nAvarice n'osoit vestir\nCar sachez que moult luy pesoit\nQuant ceste vieille robbe usoit\nS'elle fust us\u00e9e et mauvaise\nElle en eust eu trop grant malayse\nEt de robbe eust eu grant affaire\nQuant une neufve elle eust fait faire,\nAvarice en sa main tenoit\nUne bource qu'elle espergnoit\nEt la nouoit si fermement\nQu'elle eust demour\u00e9 longuement\nAvant que d'y mettre le poing\nAussi de ce n'avoit besoing\nCar d'y rien prendre n'eust envye\nEt fust ce pour sauver sa vie.\n<\/pre>\n\n\n\n
Envie<\/h3>\n\n\n\n
Envie aussi je vy adoncques\nQui en sa vie ne rit oncques\nEt qui n'a de joye une goute\nSi elle ne voit ou escoute\nSur quelqu'un dommaige advenir\nRien ne la scavoit mieulx tenir\nEn plaisir que mal adventure.\nQuant elle voit desconfiture\nSur quelque bon preud'homme avoir\nCela luy est plaisant \u00e0 veoir,\nEt s'esjouyt en son courage\nQuant elle voit aucun lignage\nTr\u00e9bucher et aller \u00e0 honte,\nEt quant aucun a honneur monte\nPar son sens et par sa noblesse\nC'est la chose qui plus la blesse\nCar sachez que moult luy convient\nAvoir du dueil, quant bien advient,\nEnvie est de tel cruault\u00e9\nQu'elle ne porte loyault\u00e9\nA compaignon n'amy expres\nEt n'a parent tant luy soit pres\nA qui ne soit toute ennemye.\nCertes elle ne vouldroit mye\nQu'a son propre pere vint bien,\nMais sachez qu'elle achapte bien\nSa grant malice cherement\nCar elle est en si grant tourment\nQuant gens de bien bonne oeuvre font\nQu'a peu qu'en d\u00e9sespoir ne fond\nEt souhaite en son cueur immunde\nSe venger de Dieu et du monde.\nJamais ne cesse Envie infame\nDe mettre sus quelque diffame\nEt croy que s'elle congnoissoit\nLe plus homme de bien qui soit\nNe de ca mer, ne de la mer\nSi le vouldroit elle blasmer\nEt s'il estoit si bien apris\nQu'elle ne peust son loz et pris\nDu tout abatre et despriser\nSi vouldroit elle amenuyser\nPour le moins son bruyt et honneur\nPar son parler faulx blasonneur.\nA la paincture prins esgard\nQu'Envye avoit mauvais regard\nCar jamais n'alloit riens voyant\nFors de travers en bourgnoyant.\nElle avoit ce mauvais usage\nQu'elle ne povoit au visage\nPersonne regarder a plain\nMais clouoit ung oeil par desdain\nEt toute de despit ardoit\nQuant aucuns qu'elle regardoit\nEstoient moult beaulx ou preux ou gentz\nOu prisez et aymez des gens.\n<\/pre>\n\n\n\n
Tristesse<\/h3>\n\n\n\n
Pres d'Envye estoit paincte aussi\nTristesse plaine de soucy\nQui bien monstroit par sa couleur\nQu'elle avoit au cueur grant douleur\nEt sembloit avoir la jaunice\nBien estoit pres d'elle avarice\nQuant \u00e0 palleur et maigret\u00e9\nCar le dueil en elle arrest\u00e9\nEt la pesanteur des ennuys\nQu'elle portoit et jour et nuytz\nL'avoient faicte ainsi fort jaunir\nEt palle et maigre devenir\nOncques vivans en tel martire\nNe fut, ne porta si grant yre\nComme il apparoissoit qu'elle eust.\nJe croy qu'onq homme ne luy pleust\nNe fist chose qui luy peust plaire\nEt si ne se vouloit retraire\nNy a personne conforter\nDu dueil que luy failloit porter.\nTrop avoit son cueur courrouc\u00e9\nEt son dueil profond commenc\u00e9\nDont bien sembloit estre dolente\nCar elle n'avoit est\u00e9 lente\nD'esgratigner sa face toute.\nSa robe aussi ne prisa goute\nEn maintz lieux l'avoir dessir\u00e9e\nComme femme d'angoisse yr\u00e9e.\nSes cheveulx tous destrecez furent\nEt sur son doz ca et la cheurent\nCar tous desrompus les avoit\nDu courroux qu'elle concevoit\nEt si sachez certainement\nQu'elle plouroit moult tendrement.\nHomme tant soit dur ne la veist\nA qui grande piti\u00e9 ne feist\nElle se rompoit et batoit\nEt ses poingz ensemble hurtoit.\nBrief la dolente et la ch\u00e9tive\nMoult fut a dueil faire ententive\nEt ne cherchoit a s'esjouyr\nA dancer ou chansons ouyr\nCar qui le cueur a bien dolent\nN'a pour vray d\u00e9sir ne talent\nDe rire dancer ou baiser\nEt ne scauroit tant s'appaiser\nQu'avecques dueil sceust joye faire\nCar dueil est a joye contraire.\n<\/pre>\n\n\n\n
Vieillesse<\/h3>\n\n\n\n
Apres fut Vieillesse pourtraicte\nQui estoit bien ung pied retraicte\nDe la forme dont souloit estre\nA grant peine se povoit paistre\nTant estoit vieille et radot\u00e9e\nSa beault\u00e9 fut toute gast\u00e9e\nEt si vieille estoit devenue\nQu'elle avoit la teste chenue\nToute blanche et toute florie,\nPas n'eust est\u00e9 grande mourie\nSi morte fust ne grant p\u00e9ch\u00e9\nCar tout son corps estoit s\u00e9ch\u00e9\nPour longueur de temps et vieil eage.\nTout flaistry estoit son visaige\nJadis plain et tenu tant cher\nEt aux mains n'avoit point de chair.\nLes oreilles avoit moussues\nAussi les dentz toutes perdues\nParquoy n'eust sceu mascher qu'\u00e0 peine.\nDe vieillesse estoit si fort pleine\nQue chemin\u00e9 n'eust la montance\nDe quatre toyses sans potance\nLe temps qui s'en va nuyt et jour\nSans repos prendre et sans s\u00e9jour\nEt qui de nous se part et emble\nSi secrettement qu'il nous semble\nQue maintenant soit en ung poinct\nEt il ne s'i arreste point\nAins ne fine d'oultre passer\nSi tost que ne scauriez penser\nQuel temps il est pr\u00e9sentement\nCar avant que le pensement\nFut finy, si bien y pensez\nTroys temps seroient desja passez\nLe temps qui ne peult s\u00e9journer\nAins va tousjours sans retourner\nComme l'eau qui s'avalle toute\nEt contremont n'en revient goute\nLe temps contre qui rien ne dure\nNe fer ne chose tant soit dure\nCar le temps tout gaste et tout mange\nLe temps qui toutes choses change\nQui tout fait croistre et tout mourir\nEt tout user et tout pourrir.\nLe temps qui envieillist noz peres\nQui vieillist povres et prosperes\nEt par lequel tous vieillirons\nOu par mort jeunes p\u00e9rirons\nLe temps par qui sera faillye\nMer, terre, et gens avoir vieillie\nCelle que je dy de tel sorte\nQue moins sembloit vive que morte\nDe s'ayder n'avoit plus puissance\nMais retournoit en enfance\nCar foyble avoit corps et cerveau\nComme ung enfant n\u00e9 de nouveau.\nToutesfoys ainsi que je sens\nElle fust saige et de grant sens\nQuant elle estoit en son droit aage\nMais elle n'estoit plus si saige\nAins rassotoit, et enserr\u00e9e\nEstoit d'une chappe fourr\u00e9e\nDont elle avoit, j'en suis recors\nAffubl\u00e9 et vestu son corps\nAffin d 'estre plus chauldement\nMorte de froit fust autrement\nCar tousjours subjectz a froidure\nSont vieilles gens c'est leur nature.\n<\/pre>\n\n\n\n
Papelardie<\/h3>\n\n\n\n
Une autre apres estoit escripte\nQui bien sembloit estre ypocrite\nPapelardie est appell\u00e9e\nC'est celle qui en recel\u00e9e\nQuant on ne s'en peult prendre garde\nD'aucun mal faire ne se tarde\nEt fait dehors la marmyteuse\nAyant face palle et piteuse\nComme une simple cr\u00e9ature\nMais il n'y a mal adventure\nQu'elle ne pense en son couraige\nMoult bien luy ressembloit l'ymaige\nPaincte et pourtraicte a sa semblance\nQui fut de simple contenance\nElle fust chauss\u00e9e et vestue\nTout ainsi que femme rendue\nEn sa main ung psaultier tenoit\nEt saichez que moult se penoit\nDe faire a Dieu prieres sainctes\nEt d'appeler et sainctz et sainctes\nGaye n'estoit, mais bien ch\u00e9tive\nEt par semblant fort ententive\nDu tout a bonnes oeuvres faire\nAussi avoit vestu la haire\nDe peur qu'elle ne devint grasse\nEt de jeusner estoit si lasse\nQu'elle avoit coulleur palle et morte\nA elle et aux siens est la porte\nDu ciel ferm\u00e9e sans mercy\nCar telles gens se font ainsi\nAmaigrir se dit l'Evangille\nPour avoir loz parmy la ville\nEt pour ung peu de gloire vaine\nQui hors d'avecques Dieu les maine.\n<\/pre>\n\n\n\n
Povret\u00e9<\/h3>\n\n\n\n
Pourtraicte fut tout au dernier\nPovret\u00e9 qui ung seul denier\nN'eust pas si elle se deust pendre\nTant sceust elle sa robe vendre\nNue estoit quasi comme ung ver\nEt s'il eust fait ung peu d'iver\nJe croy qu'el fust morte de froit.\nElle avoit vieil sac estroict\nTout plain de pieces et de crotes\nEt pour toutes robes et cottes\nN'eust autre chose a affubler\nSi eust bon loysir de trembler\nCar des gens fut ung peu loignet\nEt comme un chien a ung coignet\nSe cachoyt et accropissoyt\nAussi Povret\u00e9 ou que soit\nTousjours est honteuse et despite\nOr puisse estre l'heure mauldicte\nQu'oncques povre homme fut conceu\nEntre gens ne sera receu\nNe bien vestu, ne bien chauss\u00e9\nAym\u00e9, ch\u00e9ry, ny exaulc\u00e9.\n<\/pre>\n\n\n\n
S’ensuyt l’Acteur<\/h3>\n\n\n\n
Les ymaiges qu'ay advis\u00e9\nComme je vous ay devis\u00e9\nFurent en or et en azur\nDe toutes pars painctes au mur\nHault fut le mur et tout carr\u00e9\nSi en estoit clos et barr\u00e9\nEn lieu de haye ung beau verger\nSi bien assis pour abr\u00e9ger\nQu'on ne le pourroit dire a droit\nQui dedans mener me vouldroit\nOu par eschelle ou par degr\u00e9\nJe luy en sceusse moult de gr\u00e9\nCar oncq homme ne fut conduict\nA telle joye et tel d\u00e9duict\nComme a celle de ce verger\nCe beau lieu d'oyseaulx h\u00e9berger\nN'estoit ne desdaigneulx ne chiche\nMais ne fut oncque lieu si riche\nD'arbres et d'oysillons chantans\nCar par les buyssons bien sentans\nY en eut trois foys plus qu'en France\nEt tant fut belle l'accordance\nDe leur musicque a escouter\nQu'elle povoit tout dueil oster\nQuant a moy si fort m'esjouy\nLors que si bien chanter j'ouy\nQue je ne prinsse pas cent livres\nS'il y eust passaiges delivres\nPour n'y entrer, et que ne veisse\nL'assembl\u00e9e que Dieu b\u00e9nisse\nDes oyseaulx qui leans estoient\nEt de gay couraige chantoient\nLes dances d'amours et les notes\nPlaisans courtoyses et mignotes.\nQuant j'ouy ces oyseaux chanter\nJe me prins fort a guementer\nPar quel art et par quel engin\nJe pourroye entrer au jardin\nMais je ne povoys bien scavoir\nPar ou entr\u00e9e y peusse avoir\nEt saichez que je ne scavoye\nS'il y avoit pertuys ny voye\nNe lieu par ou l'on y entrast\nEt homme qui me le monstrast\nN'estoit illec, car seul j'estoye\nEt d'ennuy maint souspir jectoye\nTant qu'au dernier il me souvint\nQue impossible estoit qu il advint\nQu'en ung si beau verger n'eust huys\nOu eschelle, ou quelque pertuys\nLors m'en allay a grant alleure\nEnvironnant la compasseure\nEt le grant tour du mur carr\u00e9\nTant que ung huys bien clos et barr\u00e9\nTrouvay fort petit et estroit\nEt par ailleurs on n'y entroit\nSi commencay a y f\u00e9rir\nSans d'autre entr\u00e9e m'enqu\u00e9rir.\n<\/pre>\n\n\n\n
Comment Oyseuse ouvrit la porte a l’Amant. et puis s’en d\u00e9porte<\/h3>\n\n\n\n
Assez y frappay et boutay\nEt par maintes foys escoutay\nSi j'orroys gens parler ensemble\nLe guichet qui estoit de tremble\nMouvoit, adonc une pucelle\nQui estoit assez gente et belle\nCheveulx eut bloncz comme ung bassin\nLa chair plus tendre qu'ung poussin\nFront reluysant, sourcilz voultiz\nLarge entroeil, et les piedz petis\nT\u00e9tin poingnant blanc de nature\nEt le nez bien fait a droicteure\nComme ung faulcon les yeulx eut vers\nJectans oeillades de travers\nLa face blanche et coulour\u00e9e\nL'alaine doulce et savour\u00e9e\nLa bouche petite et grossette\nEt au menton une fossette\nD'espaules eut belle croysure\nEt le col de bonne mesure\nSans aucune bube ne tache.\nBrief en ce monde je ne sache\nFemme qui si beau col portast\nPolly sembloit et souef au tast\nEt la gorge avoit aussi blanche\nComme la neige sur la branche\nQuant il a freschement neig\u00e9\nLe corps eut droit, gent et doug\u00e9\nEt ne falloit ja sur la terre\nUng plus beau corps de femme querre\nD'orfaverie eut ung chappeau\nProprement fait, mignon, et beau\nEt plus riche a bien le priser\nQue le scauroie deviser.\nSur ce chappeau d'orfaveries\nEn eut ung de roses fleuries\nEt en sa main ung mirouer\nSi eut d'ung riche tressouer.\nSon chef tress\u00e9 estroictement\nD'ung las de soye coinctement\nLassoit en deux endroictz ses manches\nEt pour preserver ses mains blanches\nDu halle en chascune eut ung gant.\nSa cotte fust d'ung vert de gant\nA broderie tout entour\nEt bien sembloit a son atour\nQu'a besongner peu se mectoit\nCar quant bien pign\u00e9e elle estoit\nBien par\u00e9e, et bien attourn\u00e9e\nElle avoit faicte sa journ\u00e9e\nEt avoit si bon temps aussi\nQu'elle n'avoit soing ne soucy\nDe rien qui soit, fors seullement\nDe soy acoustrer noblement.\nQuant la belle ainsi acoustr\u00e9e\nDu verger m'eust ouvert l'entr\u00e9e\nJe l'en merciay humblement\nEt si luy demanday comment\nAvoit nom, et qui estoit elle,\nElle ne fut vers moy rebelle\nNe de respondre desdaigneuse.\nJe me fais appeller Oyseuse\nDit elle, a chascun qui me hante,\nRiche femme suis et puissante\nEt d'une chose ay fort bon temps\nCar a riens du monde n'entens\nQu'\u00e0 me jouer et soullasser\nEt mon chef pigner, et tresser,\nPriv\u00e9e suis, jollye et coincte\nEt de D\u00e9duict tousjours m 'acoincte,\nC'est cil a qui est ce jardin\nQui du pays alexandrin\nFeit cy les arbres apporter\nQu'il feist par le jardin planter.\nPuis quant chascun arbre fut creu\nD\u00e9duit qui n'est mie recreu\nFeit tout autour ce hault mur faire\nEt si feit au dehors pourtraire\nLes ymaiges qui y sont joinctes\nQui ne sont ne belles ny coinctes\nMais laydes et traystes a veoir\nComme avez peu appercevoir.\nMaintesfois pour s 'esbanoyer\nSe vient en ce lieu umbroyer\nD\u00e9duit et les gens qui le suivent\nQui en soulas et joye vivent.\nEncor est il leans sans doubte\nLa ou il entend et escoute\nChanter les doulx rossignolletz\nMauvis et aultres oyselletz,\nIllec se joue et se soulace\nAvec ses gens, car telle place\nAu monde ne scauroit trouver\nPour tout passe temps esprouver\nEt maintiendray en toute voye\nQue les plus belles gens qu'on voye\nSont les compaignons que D\u00e9duit\nAvecques luy maine et conduict.\n<\/pre>\n\n\n\n
Comment l’Amant parle a Oyseuse ; Qui luy fut assez gracieuse.<\/h3>\n\n\n\n
Quant Oyseuse m'eut tout compt\u00e9\nEt j'euz bien son compte escout\u00e9\nJe luy dy adoncq, dame Oyseuse\nCroyez sans en estre doubteuse\nPuis qu'ores D\u00e9duit et ses gens\nSont icy tant jolys et gentz\nJe feray tant que l'assembl\u00e9e\nDe moy ne sera pas embl\u00e9e\nQui ne la voye ains qu'il soit nuict\nSi ma personne ne vous nuict.\nVeoir la me fault, c'est mon vouloir\nCar mieulx n'en pourray que valloir.\nLors entray au jardin tout vert\nPar l'huys qu'Oyseuse m'a ouvert\nEt quant par dedans je le vy\nJe fuz de joye si ravy\nQue pour tout vray je cuidoye estre\nVenu en Paradis terrestre.\nTant estoit beau ce lieu ramaige\nQue bien sembloit divin ouvraige\nCar comme il me sembla de faict\nEn aucun Paradis ne faict\nSi bon estre comme il faisoit\nAu verger qui tant me plaisoit.\nD'oyseaulx chantans y eut assez\nPar tout le jardin amassez,\nEn ung lieu avoit estourneaulx\nEn l'autre malars et moyneaulx\nPinsons, pyvers, merles, mesanges\nQui ne sembloient oyseaulx, mais anges\nBrief homme n'en vit oncques tant,\nLa estoit le geay caquetant\nLe verdier s'y esjouyssoit\nLa tourterelle y g\u00e9missoit\nEt y desgorgeoit la linote\nLe chant que nature luy note.\nEn autre lieu vy amass\u00e9es\nForce kalandes, qui lass\u00e9es\nFurent de chanter aux enuis\nCar les rossignolz et mauvis\nSceurent si haultement chanter\nQu'ilz vindrent a les surmonter.\nAilleurs aussi sont papegaulx\nEn chantz et plumes non \u00e9gaulx\nQui par ces vertz boys ou ilz hantent\nIncessamment sifflent et chantent,\nMais par sus tous oyseaulx beccus\nSe firent ouyr les cocus\nQui en plus grant nombre se y trouvent\nCar au jardin d'Amours se couvent.\nBien fut leur chappelle fournie\nEt plaine de grant armonie\nCar leur chant estoit gracieulx\nComme une voix venant des cieulx.\nOr pensez si de m'esjouyr\nJ'avoys raison d'ainsi ouyr\nA mon gr\u00e9 la plus grant doulceur\nQu'on ouyt oncques, pour tout seur\nTant estoit ce chant doulx et beau\nQu'il ne sembloit pas chant d'oyseau\nMais le povoit l'on estimer\nUng chant de seraines de mer\nQui prindrent ce nom de seraines\nDe leur voix series et saines\nDont en mer endorment souvent\nCeulx qui mettent voyles au vent.\nA chanter furent ententis\nLes oysillons qui aprentis\nNe furent pas, ne non saichans,\nEt saichez quant j'ouy leurs chantz\nEt je vy tant beau et pourpris\nA esmerveiller je me pris\nCar encor n'avoys est\u00e9 oncques\nSi gay, que je devins adoncques\nTant pour la grande nouveault\u00e9\nDe ce lieu, que pour sa beault\u00e9.\nAlors congneuz je bien et vy\nQu'Oyseuse m'avoit bien servy\nDe m'avoir en tel D\u00e9duit mis\nEt bien me tins de ses amys\nPuis qu'elle m'avoit defferm\u00e9\nLe guichet du verger ram\u00e9.\nOr maintenant vous en diray\nPlus avant, et vous descripvray\nPremier dequoy D\u00e9duit servoit\nEt quelle compaignie avoit.\nSans longue fable vous vueil dire\nPuis du verger tout d'une tire\nR\u00e9citeray ce qu'il me semble,\nJe ne puis dire tout ensemble\nMais je le compteray par ordre\nQue l'on n'y saiche que remordre.\nBeau service doulx et plaisant\nChascun oyseau alloit faisant\nEn chant et musique ramaige\nRendant au dieu d'Amours hommaige\nLes cleres voyes diminuerent\nLes moyennes continuerent\nEt les grosses bien entonnoient.\nBrief tant de plaisir me donnoient\nQue impossible est que m\u00e9lodie\nTelle je vous desmesle ou die.\nMais quant j'euz escout\u00e9 ung peu\nLes oyseaulx, tenir ne me peu\nQue D\u00e9duit je n'allasse veoir,\nCar moult d\u00e9siroys de scavoir\nSa facon de faire et son estre\nSi m'en allay tout droit a dextre\nPar une bien petite sente\nBord\u00e9e de fanoul et mente\nEt la aupres trouvay D\u00e9duit\nEn lieu secret qui bien luy duit.\nLors entray ou D\u00e9duit estoit\nLequel illecques s'esbatoit\nAvec une si belle bande\nQue je feuz en merveille grande\nComment Dieu en terre assembloit\nSi belles gens, car il sembloit\nQue fussent anges empennez\nDe telz n'en sont au monde nez.\n<\/pre>\n\n\n\n
Cy parle l’Acteur sans frivolle…<\/h3>\n\n\n\n
Cy parle l'Acteur sans frivolle\nde D\u00e9duit et de sa karolle.\nCes gens dancerent aux chansons\nQui n'eurent laitz ne meschans sons\nCar une dame les chantoit\nQui lyesse appell\u00e9e estoit.\nChanter scavoit moult doulcement\nEt a son chant bien proprement\nSes motz et resfrains asseoyt\nA autre si bien ne seoyt,\nEt s'elle eut voix bien clere et saine\nEncor moins a dancer fut vaine,\nMais scavoit bien s'esvertuer\nSaulter, virer, et remuer\nEt tousjours comme coustumiere\nDancoit et chantoit la premiere\nCar chanter, dancer, sont mestiers\nOu elle faisoit moult voulentiers.\nLors veissiez les dances aller\nUng chascun a l'envy baller\nEt faire gambades et saultz\nSus l'herbe drue et soubz les saulx.\nLa eussiez veu pour les balleurs\nFleusteurs, harpeurs, et cimballeurs.\nLes ungz sonnerent millannoyses\nLes autres notes lorrainnoyses\nPour ce qu'on en fait en Lorraine\nDe plus belles qu'en nul dommaine,\nApres y eut farces joyeuses\nEt batelleurs et batelleuses\nQui de passe passe jouoyent\nEt en l'air ung bassin ruoyent\nPuis le scavoyent bien recueillir\nSur ung doy, sans point y faillir.\nDeux damoiselles bien mignotes\nJe vy adonc en simples cottes\nEt tress\u00e9es en une tresse\nLesquelles D\u00e9duit sans destresse\nFaisoit lors devant luy bailler\nMais de ce ne fault ja parler\nComme elles balloyent coinctement\nL'une venoit tout bellement\nVers l'autre, et quant elles estoient\nPres apres si s'entrejectoyent\nLes bouches, et vous fust advis\nQu'elles se baisoyent vis a vis\nFort bien sceurent leurs bas briser\nSi n'en scay plus que deviser\nFors que de la jamais ne queisse\nM'en aller, tant comme je veisse\nTelles gens ainsi s'advanser\nDe rire, chanter, et danser.\nLa dance qui me plaisoit tant\nJe regarday jusques a tant\nQue une dame d'honneur saysie\nM'entrevit, ce fut Courtoysie\nLa gracieuse et d\u00e9bonnaire\nQue Dieu gard de chose contraire\nCourtoysement lors m'appella\nBel amy, que faictes vous la\nDit elle, icy vous en venez\nEt a la dame vous prenez\nAvec entre nous, s'il vous plaist\nQuant j'ouy ces motz sans faire arrest\nA m'enhardir je commencay\nEt avec les danceurs dancay\nCar saichez que moult m'agr\u00e9a\nDont Courtoysie me pria\nEn me disant que je dansasse\nPlustost l'eusse fait si j'osasse\nMais j'estoys de honte surpris\nAdoncq a regarder me pris\nLes corps les facons et maintiens\nLes cheres et les entretiens\nDe ceulx qui la dancoyent ensemble\nSi vous diray d'eulx qu'il me semble\nD\u00e9duit fut beau et grant et droit\nPlaisant en ditz en faitz adroit\nPlus que jamais on ne vit homme\nLa face avoit comme une pomme\nVermeille et blanche tout autour\nMiste fut et de bel atour\nLes yeulx eut vers, la bouche gente\nLe nez bien fait par grant entente\nEt le poil blanc et crespel\u00e9\nD'espaules estoit large et l\u00e9\nEt gresle parmy la saincture\nBref il sembloit une paincture\nTant estoit dor\u00e9 et gemm\u00e9\nEt de tous membres bien form\u00e9\nLe corps eut bon, les jambes vistes\nPlus l\u00e9gier homme oncques ne veistes\nEt si n'avoit barbe ou menton\nFors ung petit poil folleton\nComme ses jeunes damoyseaulx\nD'ung samy pourtraict a oyseaulx\nQui estoit tout a or batu\nSon corps fut richement vestu\nEt la robbe bien devis\u00e9e\nEn maintz lieux estoit incis\u00e9e\nEt d\u00e9coupp\u00e9e par cointise\nPuis fut chauss\u00e9 par mignotise\nD'ung souliers descouppez a las\nS'amye aussi par grant soulas\nLuy avoit fait joly chappeau\nDe roses qui moult estoit beau.\nEt scavez vous qui fut s'amye\nLyesse qu'il ne hayoit mye\nLa mieulx disant des bien disans\nQui des son eage de dix ans\nDe son amour luy fit octroy\nD\u00e9duit la tint parmy le doy\nEt elle luy a ceste dance\nD'eulx deux c'estoit belle accordance\nCar il fut beau et elle belle\nEt bien sembloit rose nouvelle\nDe la couleur et sa chair tendre\nOn luy eust peu trencher et fendre\nAvecque une petite ronce\nLe fronc avoit polly sans fronce\nLes sourcilz bruns le corps faictiz\nEt les yeulx doulx et actraictiz\nCar on les voyoit rire avant\nQue la bouche le plus souvent\nDe son nez ne vous scay que dire\nFors que mieulx fait ne fust de cire\nBouche doulce et rougeur parmy\nAvoit pour bayser son amy\nEt le chef blond et reluysant\nQue vous en yroys je disant\nBelle fut et bien atourn\u00e9e\nEt de fin or par tout orn\u00e9e\nSi avoit ung chappellet neuf\nSi beau que parmy trente neuf\nEn mon vivant veoir ne pensoye\nChappeau si bien ouvr\u00e9 de soye\nD'ung samy vert bien dor\u00e9\nFut son corps vestu et par\u00e9\nDe quoy son amy robe avoit\nDont bien plus fiere se trouvoit\nA luy se tint de l'autre part\nLe dieu d'Amours cil qui d\u00e9part\nAmourettes a sa devise\nC'est cil qui les amans attise\nEt qui abbat l'orgueil des braves\nEt fait des grans seigneurs esclaves\nQui fait servir royne et princesse\nEt repentir, nonne et abbesse.\nCe dieu d'Amours de sa facon\nNe ressembloit point ung garson\nAins fut sa beault\u00e9 a priser\nMais de sa robe deviser\nCrains grandement qu'enpesch\u00e9 soye\nIl n'avoit pas robe de soye\nMais estoit faicte de fleurettes\nTres bien par fines amourettes\nA losenges et a oyseaux\nEt a beaulx petis leonceaux\nA aultres bestes et lyepardz\nSa robe estoit de toutes pars\nBien faicte et couverte de fleurs\nPar diversit\u00e9 de couleurs\nFleurs la estoient de maintes guises\nBien ordonn\u00e9es par divises\nAucune fleur en est\u00e9 n'est\nQui n'y fust ne fleur de genest\nNe violette ne parvenche\nJaune soit inde, rouge, ou blanche\nPar lieux estoient entremesl\u00e9es\nFueilles de roses grandz et l\u00e9es\nAu chief estoit ung chapellet\nDe roses bel et nettelet\nLes rossignolz autour chantoient\nQui doulcement se d\u00e9lectoient\nIl estoit tout couvert d'oyseaulx\nReluysans tresplaisans et beaulx\nDe mauvis aussi de m\u00e9sange\nSi qu'il ressembloit a ung ange\nDescendant droictement du ciel\nAmour avoit ung jouvencel\nAupres de luy tout a del\u00e9\nQui Doulx Regard fut appell\u00e9.\nCe beau bachelier regardoit\nLes oyseaux et aussi gardoit\nAu dieu d'Amours deux arcz turquoys\nDont l'ung d'iceulx estoit de boys\nTout cornu et mal aplan\u00e9\nRemply de neudz et mal tourn\u00e9\nEt estoit dessoubz et desseur\u00e9\nComme je vis plus noir que meure.\nL'autre des arcz fut d'ung planson\nLonguet et de gente facon\nBien faict estoit et bien dol\u00e9\nEt aussi tres bien piol\u00e9\nLes dames y estoient bien painctes\nEt jeunes damoiselles cointes\nCes deux arcz tenoit Doulx Regard\nEt apres portoit d'aultre part\nJusqu'a dix fleches de son maistre\nCinq en tenoit en sa main dextre\nDesquelles cinq a pointes croches\nLes pannons bien faictz et les coches\nFurent bien a point a or painctes\nTrenchantes trop furent les pointes\nEt agues pour bien percer\nMais la n'estoit fer ny acier\nQui tres richement d'or ne fust\nFors que les pennons et le fust\nLes pointes estoient appell\u00e9es\nSajettes d'or embarbel\u00e9es\nLa meilleur et la plus ysnelle\nDe ces fleches et la plus belle\nCelle qui eut meilleur pennon\nEut de Toute Beault\u00e9 le nom.\nL'autre de celles qui moins blesse\nEut nom ce m'est advis Simplesse.\nLa tierce si fut appell\u00e9e\nFranchise tres bien empan\u00e9e\nDe valleur et de courtoysie\nLa quarte eut a nom Compaignie\nQui menoit trop pesante feste\nCar point n'estoit d'aller loing preste\nMais qui de pres en vouloit traire\nBien en povoit assez mal faire.\nLa quinte eut a nom Beau Semblant\nDe toutes aultres moins grevant\nNon pourtant fait elle grant playe\nA celluy qui son coup essaye\nQui de ceste fleche est bless\u00e9\nIl en doit estre moins press\u00e9\nEt si peult tost sant\u00e9 attendre\nEt en aura la douleur mendre.\nLes autres cinq fleches mal traictes\nMal rapot\u00e9es sont et faictes\nEt les fustz estoient et le fer\nPlus noirs que les diables d'Enfer\nOrgueil avoit nom la premiere\nDes aultres portant la baniere.\nLa seconde fut Villenye\nPlaine de grande f\u00e9lonnye\nLa tierce estoit Honte nomm\u00e9e\nEntre gens souvent renomm\u00e9e\nEt la quarte fut Couvoytise\nQui les gens a mal faire attise\nLa quinte estoit Desesp\u00e9rance\nPrompte a mal faire sans doubtance\nDe toutes aultres la derniere\nCes cinq fleches d'une maniere\nEstoient et toutes ressemblables\nEt moult leur estoient convenables\nLes deux boutz de l'arc tresboyteux\nBossu tortu et plain de neux.\nTelles fleches devoient bien traire\nQui des aultres sont au contraire.\nJe ne vous diray pas leur force\nCar a pr\u00e9sent ne m'en efforce\nVous orres la signifiance\nSans y obmettre diligence\nEt vous diray que tout ce monte\nDevant que je fine mon compte.\nJe reviendrey a ma parolle\nDes nobles gens de la carolle,\nDire me fault leur contenance\nEt leur facon et leur semblance\nLe dieu d'Amours or c'estoit pris\nA une dame de hault pris\nPres se tenoit de son cost\u00e9\nCelle dame avoit nom Beault\u00e9\nQui point n'estoit noire ne brune\nMais aussi clere que la lune\nEstoit vers les aultres estoilles\nQui semblent petites chandelles,\nTendre chair eut comme ros\u00e9e\nSimple fut comme une espous\u00e9e\nEt blanche comme fleur de lys.\nLe vis eut bel doulx et alis\nEt estoit gresle et align\u00e9e\nFard\u00e9e n'estoit ne pign\u00e9e,\nCar elle n'avoit pas mestier\nDe soy farder et nettier.\nCheveulx avoit bloncz et si longs\nQu'ilz luy battoient jusques aux talons,\nBeaulx yeulx avoit, nez et la bouche\nMoult grant douleur au cueur me touche\nQuant de sa beault\u00e9 me remembre\nPour la facon de chascun membre.\nSi belle femme n'est au monde\nJeune soit et de grand faconde\nSaige, plaisante, gaye, et cointe\nGresle, gente, frisque et acointe.\nPres de Beault\u00e9 estoit Richesse\nUne dame de grand haultesse\nDe grand pris et de grand affaire.\nQui a elle et aux siens meffaire\nOsast et par faictz et par dictz\nTenu estoit des plus harditz\nQui luy peult ou nuyre ou aydier\nCe n'est mye d'huy ne d'hier\nQue riches gens ont grant puissance\nDe faire secours et grevance.\nTous les plus grandz et les mineurs\nA richesse portoient honneurs.\nChascun si l'appelloit sa dame\nEt craignoit comme riche femme\nTous se mettoient en son dangier\nEt la veult chascun calengier\nMaintz trahystres et maintz envieulx\nSouventes fois sont bien joyeulx.\nDe despriser ou de blasmer\nTous ceulx qui sont mieulx a aymer\nPar devant comme mocquerie\nLouant les gens en flaterie,\nEt par doulces parolles oygnent,\nMais apres de leurs flesches poignent\nPar derriere jusques a l'oz\nEt abaissent des bons les loz\nEt deslouent les alouez,\nMaint preud'homme ont desalouez\nLes losengeurs par leurs losenges\nEt fait tenir de court estranges\nCeulx qui deussent estre privez\nQue mal puissent estre arrivez\nTelz losengeurs ou plains d'envie\nCar nul preud'hom n'ayme leur vie.\nDe pourpre fut le vestement\nDe Richesse si noblement\nQu'en tout le monde n'est plus beau\nMieulx faict ny aussi plus nouveau.\nPourtraict\u00e9 si furent d'or frais\nHystoires d'empereurs et roys\nEt d'avantaige y avoit il\nUng ouvrage noble et subtil\nA noyaulx d'or au col fermant\nEt a bendes d'azur tenant.\nNoblement eut le chief par\u00e9\nDe riches pierres d\u00e9cor\u00e9\nQui jettoient moult grande clart\u00e9\nLa tout estoit bien assort\u00e9.\nElle avoit moult riche sainture\nSainte par dessus sa vesture\nDe laquelle la boucle estoit\nD'une pierre qui moult luysoit.\nCeluy qui dessus soy la porte\nGard\u00e9 est des venins en sorte\nQu'il n'est point en aucun dangier.\nCelle sainture ou franc bauldrier\nDe richesses valoit grand somme,\nCar si beau on n'avoit veu homme,\nD'autres pierres estoient les mordens\nQui guarissoient du mal des dens,\nEt portoit la pierre bon heur\nQui l'avoit povoit estre asseur\nDe sa sant\u00e9 et de sa veue\nQuant au cueur jeun il l'avoit veue.\nLes cloux estoient d'or espur\u00e9\nPar dessus le tissu dor\u00e9\nQui moult estoient grans et pesans\nEn chascun avoit deux besans,\nEt avoit avecq ce richesse\nUn ceptre d'or mis sur sa tresse\nSi riche si plaisant et bel\nQu'oncques on ne vit le pareil,\nDe pierres estoit fort garoy\nPr\u00e9cieuses et aplany.\nQui bien en vouldroit diviser\nOn ne les pourroit pas priser,\nLa sont rubis, saphirs, jagonces\nEsmerauldes plus de cent onces\nMais devant est par grand maistrise\nUne escarboucle bien assise.\nCelle pierre si clere estoit\nQue cil qui devant la mettoit\nTres bien povoit veoir au besoing\nSe conduyre une lieue loing.\nTelle grant clart\u00e9 en yssoit\nQue richesse en resplendissoit\nPar tout son corps de par la face\nAussi faisoit toute la place.\nRichesse tenoit par la main\nUng jouvencel de beault\u00e9 plain\nC'est son amy Jolyvet\u00e9\nUng homme qui au temps d'est\u00e9\nJoyeusement se d\u00e9lectoit\nIl se chaussoit bien et vestoit\nEt avoit les cheveulx de pris\nBien eust cuyd\u00e9 estre repris\nD'aucun meurtre ou larrecin\nS'en son estable n'eust roucin\nPour cela avoit l'acointance\nDe richesse et la bien vueillance\nEt tousjours avoit en pourpenses\nDe maintenir les grans despences,\nIl les povoit bien maintenir\nPuis qu'il y povoit bien fournir\nRichesse luy livroit deniers\nA mesures et a septiers.\nApres estoit Largesse assise\nQui bien fut duite et bien apprise\nDu faire honneur et tout despendre\nDu lignaige fut d'Alexandre\nQui point n'avoit plaisir de rien\nSinon quant il donnoit du sien,\nMais Avarice la ch\u00e9tive\nN'est pas soigneuse et ententive\nComme Largesse de donner,\nPour ce fit Dieu tant foysonner\nTous ses biens qu'elle ne scavoit\nTant donner qu'elle plus avoit.\nMoult eut Largesse pris et lotz\nLes saiges avoit et les folz\nCommunement a son bandon\nTant avoit fait par son beau don.\nSi aucun fust qui la haist\nC'estoit son droit qu'elle le fist\nDe ses amys par beau service,\nEt pour ce luy estoit propice\nL'amour des povres et des riches\nFolz sont les avers et les chiches,\nMais les riches n'ont aucun vice,\nAins sont plains de tout b\u00e9n\u00e9fice\nAvaricieux sont en paine\nEt ne dorment jour de sepmaine\nNonobstant ilz ne peuvent querre\nNe seigneurie ne grand terre\nDont ilz facent leur voulent\u00e9\nCar ilz n'ont pas d'amys plant\u00e9,\nMais qui amys vouldra avoir\nChier ne doit avoir son avoir\nAins par beaulx dons amys doit querre\nCar c'est la vertu de son erre,\nComme la pierre d'ayment\nAttraict le fer subtilement\nAinsi attraict le cueur des gens\nQui a donner est diligens.\nLargesse eut robe bonne et belle\nD'une couleur toute nouvelle\nEt visaige tres bien form\u00e9\nNul membre n'avoit difform\u00e9.\nLargesse la vaillant et saige\nTint ung chevalier du lignaige\nAu bon roy Artus de Bretaigne\nC'est celluy qui porta l'enseigne\nDe valeur et le goufanon\nCelluy qui a moult grant renom\nDuquel l'on tient encor grand compte\nDevant roy et devant maint conte.\nCe chevalier nouvellement\nEstoit venu en tournoyement\nOu il avoit fait pour s'amye\nMainte jouste et chevalerie\nEt prins par force et abatu\nMaint chevalier et combatu.\nApres ceulx la estoit Franchise\nQui n'estoit ne brune ne bise\nAins estoit comme neige blanche\nCourtoysie estoit joyeuse et franche.\nLe nez avoit long et traitis\nYeulx vers rians, sourcilz faitis,\nLes cheveulx tres blans et treslongs\nSimple estoit comme sont coulons\nCueur ayant doulx et d\u00e9bonnaire.\nElle n'osoit dire ne faire\nNulle rien que faire ne deust,\nEt si ung homme congneust\nQui souffrist pour son amyti\u00e9\nTantost elle en eust eu piti\u00e9\nCar elle avoit cueur pitoyable,\nTresfranc, tresdoulx et amyable.\nSon habit fut de surquenye\nTreshonneste sans villennye,\nMais elle n'estoit de bourras\nSi belle n'eust jusqu'a Arras.\nSi bien estoit cueillie et joincte\nQu'il n'y eut une seule poincte\nQui a son droit ne fust assise.\nBien estoit vestue Franchise\nCar nulle robe n'est si belle\nDe dame ne de damoyselle,\nFemme est plus cointe et plus mignote\nEn surquenie que en sa cote.\nLa surquenie qui fut blanche\nMonstroit qu'elle estoit doulce et franche\nUng jouvencel qui la estoit\nTout joignant d'elle la vestoit\nLequel estoit moult renomm\u00e9\nNe scay comme il estoit nomm\u00e9\nGent estoit pour tenir grand compte\nEt sembloit estre filz de conte.\nApres se tenoit Courtoysie\nFort pris\u00e9e comme jolie\nOrgueilleuse n'estoit ne folle\nC'est celle qui a la carolle\nLa sienne mercy m'appella.\nOncques ne sceust quant je allay la\nEt n'estoit nice ne vollaige\nMais saige et sans aucun oultraige.\nLes beaulx respons et les beaulx dictz\nFurent souvent par elle dictz\nEt a nul ne portoit rancune.\nElle estoit clere comme lune\nLe visaige avoit reluysant\nVisaige ne scay si plaisant\nElle est en toute court bien digne\nSoit de roy ou conte condigne\nA l'huys se tint ung jouvencel\nAccointable tres gent et bel\nFaisant honneur a toute gent\nDe ce faire estoit diligent\nEn armes estoit bien instruict\nTresbien aprins et tres bien duict\nDe s'ayme fut bien aym\u00e9\nComme tresbel et bien form\u00e9\nLaquelle de pres le suyvoit\nEt voulentiers le poursuyvoit\nD'elle je vous ay dit sans faille\nToute la facon et la taille\nJa plus ne vous en est compt\u00e9\nCar c'est celle qui la bont\u00e9\nMe fist en ouvrant le vergier\nCombien que je fusse estrangier.\nApres fut comme bien s\u00e9ant\nJeunesse au visaige riant\nQui n'avoit pas encor assez\nComme je croy douze ans passez\nNicette estoit et ne pensoit\nA nul mal engin quel qu'il soit\nAins estoit moult joyeuse et gaie\nCar nulle chose ne s'esmaye\nFors de jeu comme vous scavez\nSon amy fut de loy privez\nEn maniere qu'il la baisoit\nEt tout service luy faisoit\nDevant tous ceulx de la carolle\nEt memes qui eust tins parolle\nIl n'eust ja est\u00e9 d'eux honteux\nVous les aperceussies tous deux\nBaiser comme deux columbeaux\nLes personnaiges estoient beaux\nCelluy estoit d'une mesme eage\nComme s'amye et de couraige\nTout ainsi carolloyent illecques\nTous ces gens et d'aultres avecques\nLesquelz estoient de leur mesl\u00e9e\nComme gent tresbien enseign\u00e9e\nEt de tresbon gouvernement\nQui la estoient communement.\n<\/pre>\n\n\n\n
Comment le dieu d’Amours suyvant…<\/h3>\n\n\n\n
Comment le dieu d'Amours suyvant\nVa au jardin en espiant\nL'Amant tant qu'il y soit a point\nSi que de ses fleches soit point\nQuant j'euz regard\u00e9 la semblance\nDe ceulx lesquelz menoient la dance\nAinsi comme j'ay dit devant\nJ'euz d\u00e9sir d'aller plus avant\nEt vouloir de me exerciter\nPour ce beau verger visiter\nLes pins les cedres qui la furent\nEt les beaulx arbres qui y creurent\nLes carolles ja deffailloient\nEt plusieurs des gens s'en alloient\nAvec leurs dames umbroyer\nSoubz les arbres sans forvoyer\nLa d\u00e9menoient joyeuse vie\nDe tout plaisance assouvie\nQui telle vie avoir pourroit\nAultre meilleure ne vouldroit.\nIl n'est nul moindre Paradis\nQu'avoir amye a son devis\nD'illecques me party a tant\nEt m'en allay seul escoutant\nParmy le verger, ca et la,\nEt le dieu d'Amours appella\nLors par devant luy Doulx Regart\nA nul n'avoit il plus regart\nSon arc dor\u00e9 sans plus attendre\nLuy a lors command\u00e9 a tendre\nParquoy Doulx Regart le tendit\nEt l'arc bien tendu luy rendit\nEt puis luy bailla cinq sajettes\nFortes grandes d'aler loing prestes\nLe dieu d'Amours tantost de loing\nMe print a suyvir l'arc au poing\nDieu me gard de mortelle playe\nCar je crains que vers moy n'essaye\nIl me greveroit mallement\nNe vouc en doubtez nullement\nPar le vergier allay delivre\nEt celluy pensa a me suyvre\nMais en aulcun lieu n'arrest\u00e9\nTant que j'euz par tous lieux est\u00e9.\nCe bel vergier par compassure\nEstoit trestout d'une quarrure\nPar tout autant long comme large\nDe fruict estoit plain le rivaige\nAu moins except\u00e9 ung ou deux\nOu quelque mauvais arbre hideux.\nLes pommiers estoient au vergier\nBien m'en souvient pour abr\u00e9ger\nQui portoient les pommes grenades\nProffitables pour les malades\nNoyers la estoient a foison\nQui bien portoient en la saison\nTel fruit comme les noys muscades\nQui ne sont ameres ne fades\nLa estoient amendiers plantez\nEt dedans le verger antez\nEt maint figuier, et maint datier\nY trouvast, qui en eust mestier\nLa estoit mainte bonne espice\nCloux de girofle, et regalice\nGraine de paradis nouvelle\nCitail, anys, aussi canelle\nEt mainte espice d\u00e9lectable\nMoult fut celluy lieu convenable\nLa estoient les arbres non seiches\nQui portoyent les bons coing et pesches\nLes chataingnes, pommes, et poires,\nNeffles, prunes, blanches et noyres\nSerises fresches nouvellettes\nCormes, alises, et noysettes\nLes haultz lauriers et les hault pins\nEstoient la dedans ces jardins\nOliviers aussi et cipres\nDont il n'en est gueres si pres\nLes ormes y estoient branchez\nEt aussi gros chesnes fourchez\nQue vous yrois je plus comptant\nDes arbres divers y eut tant\nQue ce me seroit grant encombre\nDe les vous d\u00e9clairer par nombre\nMais saichez que les arbres furent\nSi loing a loing ainsi qu'ilz durent.\nL'ung fut de l'autre loing assis\nDe cinq toyses voyre de six\nMais moult furent fueilluz et haultz\nPour garder de l'est\u00e9 les chaulx\nSi espes par dessus ilz furent\nQuel challeurs percer ne le peurent\nNe ne pouvoient en bas descendre\nNe faire mal a l'herbe tendre.\nAu verger sont dains et chevreulx\nEt aussi plusieurs escureulx\nQui par sur les arbres sailloyent\nConnis y estoient qui yssoyent\nBien souvent hors de leur tanieres\nEn moult de diverses manieres\nPar lieux estoient cleres fontaines\nSans barbelotes et sans raines\nQui estoient des arbres ennombrez\nPar moy ne vous seront nombrez\nEt petitz ruysseaulx que D\u00e9duit\nLa avoit trouvez par conduit\nL'eau alloit aval en faisant\nSon, m\u00e9lodieux et plaisant\nAux bortz des ruysseaux et des rives\nPar belles facons jolives\nPoingnoit l'herbe drue et plaisant\nGrant soulas et plaisir faisant\nL'amy povoit avec sa mye\nSe d\u00e9porter n'en doubtez mie\nEt par les ruysseletz venoit\nAutant d'eaue qu'il convenoit\nFn tresbeau lieu et d\u00e9lectable\nJoyeulx plaisant et aggr\u00e9able\nLa estoient toujours a plant\u00e9\nLes fleurs fust yver ou est\u00e9\nViolette y estoit moult belle\nEt aussi parvanche nouvelle\nFleurs y estoient rouges et blanches\nSur toutes autres les plus franches\nDe toutes diverses couleurs\nDe hault pris et de grans valleurs\nQui tresfort estoient souef flairans\nTres refragans et odorans\nJe ne feray pas longue fable\nDu lieu plaisant et d\u00e9lectable\nCar il m'en fault en pr\u00e9sent taire\nAussi a vous dire et retraire\nDu verger toute la beault\u00e9\nEt la grant d\u00e9lectablet\u00e9\nMa langue ne pourroit suffire\nA le vous r\u00e9citer et dire\nTant allay a dextre et senestre\nQue je vis tout l'affaire et l'estre\nDe ce bel vergier assouvy\nMais le dieu d'Amours m'a suivy\nQui de loing m'estoit costoiant\nMe regardant et espiant\nComme le veneur fait la beste\nPour me f\u00e9rir de sa sajecte.\nEn ung tresbeau lieu arrivay\nDernierement ou je trouvay\nUne fontaine soubz ung pin\nMais depuis le temps de P\u00e9pin\nN'avoit est\u00e9 tel arbre veu\nEt si estoit si tresbien creu\nQu'en ce verger n'avoit tel arbre\nDedans une pierre de marbre\nNature avoit par grant maistrise\nSoubz le pin la fontaine mise\nEt estoit dans la pierre escripte\nAu bout d'amont lettre petite\nQui demonstroit que la dessus\nMourut le tresbeau Narcisus.\nNarcisus fut ung damoyseau\nQu'amours tindrent en leur rouseau\nLequel amours tant fit destraindre\nTant plorer, tant g\u00e9mir, et plaindre\nQu'il luy convint rendre son ame\nCar Echo une noble dame\nL'avoit plus aym\u00e9 que riens n'ay\nEt son cueur luy avoit donn\u00e9\nQui luy dist qu'il luy donneroit\nSon amour ou elle mourroit\nMais il fut par sa grant beault\u00e9\nPlain de desdaing et de fiert\u00e9\nEt ne luy voulut octroyer\nSon amour tant le sceust prier.\nQuant elle se vit esconduyre\nUng tel dueil en eut et tel yre\nQu'il luy convint par ce despit\nSouffrir mort sans aucun respit,\nMais or devant qu'elle mourust\nPria a Dieu que une fois sust\nNarcisus au f\u00e9lon couraige\nQui au cueur luy donnoit la raige\nDont el mourut vilainement\nEschauff\u00e9 si cruellement\nD'amours qu'il en fust affoll\u00e9\nEt aussi par sens d\u00e9sol\u00e9\nSurprins sans en avoir plaisir\nEt que amours tant le peust saisir\nQue jamais n'en peust joye attendre\nAffin de scavoir et entendre\nQuel dueil souffrent les amoureux\nPar leurs refuz trop rigoreux.\nLa priere fut recepvable\nDe Dieu et par luy acceptable\nCar Narcisus par adventure\nA la fontaine nette et pure\nS'en vint soubz le pin umbroyer\nUng jour qu'il venoit de chasser\nLequel souffroit moult grant travail\nD'avoir pass\u00e9 par mont et val\nSi qu'il eut soif par grant oppresse\nDu chault aussi par sa foyblesse\nQuasi du tout perdant l'alaine\nAlors qu'il trouva la fontaine\nQue le pin de rame couvroit,\nIl pensa adonc qu'il beuroit\nA la fontaine seurement\nEt se baissa hastivement.\n<\/pre>\n\n\n\n
Comment Narcisus se mira …<\/h3>\n\n\n\n
Comment Narcisus se mira\nA la fontaine et souspira\nPar amour tant qu'il fit partir\nL'ame du corps sans d\u00e9partir\nIl vit en l'eaue clere et nette\nSon vis, son nez, et sa bouchette\nDont il fut tresfort esbahy\nQuant par son umbre fut trahy\nCar il cuydoit veoir la figure\nD'ung bel enfant a desmesure.\nAmour qui se vouloit vengier\nDu grant orgueil et du dangier\nQue Narcisus luy avoit fait\nPugnit Narcisus par son fait,\nCar tant musa a la fontaine\nQu'il ayma trop son umbre vaine\nEt en mourut a la parfin,\nDe ceste amour telle est la fin\nQuant il congneut qu'il ne pourroit\nAcomplir ce qu'il d\u00e9siroit\nEt qu'il estoit si prins par sort\nQu'il ne povoit avoir confort\nEn nulle heure ny en nul temps,\nIr\u00e9 fut, et si mal contens\nQue par grant dueil apres mourut,\nEt par cela veng\u00e9e fut\nCelle qu'il avoit esconduite\nQui bien luy rendit son m\u00e9rite.\nDames ceste exemple aprenez\nQui vers voz amys mesprenez\nCar si vous le laissez mourir\nDieu le vous scaura bien merir.\nQuant l'escript m'eust fait assavoir\nQue c'estoit en ce lieu pour voir\nLa fontaine au beau Narcisus :\nJe me tiray ung bien peu sus\nQuant du damoyseau me souvint\nA qui tant malement advint,\nEt commencay a couarder\nEt dedans n'osay regarder.\nEt puis or je pensay que a seur\nSans point de peur et de malheur\nQue a la fontaine aller povoye\nDont par folie m'eslongnoye.\nJe m'aprochay de la fontaine\nPour l'eaue veoir tresclere et saine\nEt la gravelle belle et nette\nQui au fons estoit tresparfaicte\nEt plus luysante que argent fin\nDe la fontaine est cy la fin\nDe tout le monde la plus belle\nCar l'eau \u00e9tait fresche et nouvelle\nNuyt et jour saillant a grans undes\nPar deux fosses creuses et parfondes\nDont au tour croist l'herbe menue\nQui par l'eaue vient fresche et drue\nEt en yver ne peult tarir\nNe faillir cesser ou mourir.\nAu fons de la fontaine aval\nEstoient deux pierres de cristal\nQue je regarday a merveilles,\nJamais n'avoys veu les pareilles\nDe ces pierres je vous vueil dire\nQuelque chose sans escondire\nQuant le soleil qui tout aguette\nSes rays en la fontaine jecte\nEt sa clart\u00e9 du ciel descent\nEt recoyt coulleurs plus de cent\nDu cristal qui par le soleil\nDevient inde, jaune et vermeil.\nCes cristaux sont tresmerveilleux\nEt telle force ont chascun d'eulx\nQue arbres fleurs et toute verdure\nAppert, a qui la met sa cure.\nEt pour faire la chose entendre\nUne raison vous veulx aprendre\nAinsi comme ung mirouer monstre\nLes choses qui sont alencontre\nEt qu'on y voit sans couverture\nToute la facon et figure\nTout ainsi vous dis je pour veoir\nQue le cristal sans decepvoir\nTout estre du verger accuse\nA celluy qui dedans l'eau muse\nCar tousjours quelque part qu'il soit\nL'une moyti\u00e9 du verger voit\nEt s'il se tourne maintenant\nIl peult veoir tout le remanant,\nEt n'y a si petite chose\nTant muss\u00e9e ne tant enclose\nDont demonstrance ne soit faicte\nComme elle c'est au verger pourtraicte.\nC'est le mirouer p\u00e9rilleux\nOu Narcisus tresorgueilleux\nVit sa face et ses deux yeulx vers\nDont il cheut puis mort tout envers\nQui en tel mirouer se mire\nNe peult avoir besoing de mire :\nNul n'est qui de ses yeulx le voye\nQui d'aymer ne soit mis en voye\nMaint et vaillant homme a mis gaige\nAu mirouer, car le plus saige\nLe plus preux et plus affect\u00e9\nY a est\u00e9 prins, et guett\u00e9\nlllec sur tres mauvais oraige,\nCar trop tost change le couraige.\nLa ne se vont conseiller nulz\nCar Cupido filz de V\u00e9nus\nSema illec d'amour la graine\nLaquelle encombre la fontaine\nEt fit ses latz environ tendre\nEt ses engins y mit pour prendre\nDamoyselles et damoyseaulx\nAmour ne veult autres oyseaulx,\nPour la graine qui fut sem\u00e9e\nCeste fontaine fut nomm\u00e9e\nLa fontaine d'amour par droit\nDont plusieurs ont en maint endroit\nParl\u00e9 en rommant et en livre\nMais jamais n'orrez mieulx descripre\nLa v\u00e9rit\u00e9 de la matiere\nQuant dict vous auray la maniere.\nMaintenant me plaist demeurer\nA la fontaine et remirer\nLes cristaux qui la d\u00e9monstroient\nMille choses qui y estoient.\nEn malle heure m'y suis mir\u00e9\nJ'en ay depuis moult souspir\u00e9\nCe mirouer m'a fort d\u00e9ceu,\nMais si j'eusse par devant sceu\nDe sa force et de sa puissance\nLa pas n'eusse fait r\u00e9sidence\nCar fort esbahy me trouvay\nQuant cheu es las je me approuvay.\nAu mirouer entre mille choses\nChoysir rosiers chargez de roses\nLesquelz estoient en ung destour\nD'eau environn\u00e9 tout autour.\nAlors me vint si grant envye\nQue ne laissasse pour Pavye\nNe pour Paris que je ne allasse\nLa ou je vy la plus grant masse\nQuant celle rose m'eut surpris\nDont maint autre a est\u00e9 espris.\nVers le rosier tost me retrays,\nEt saichez que quant je fuz pres\nL'odeur de la plus savour\u00e9e\nRose, m'entra en la pens\u00e9e\nEt en fuz si fort odor\u00e9\nQu'a la sentir trop demour\u00e9\nJamais je n'eusse pens\u00e9 estre\nBlasm\u00e9 de fr\u00e9quenter cest estre.\nTresvolentiers d'elles cueillisse\nAu moins une que je tenisse\nEn ma main pour l'odeur sentir,\nMais je euz or peur du repentir,\nCar il eust bien peu de l\u00e9ger\nPeser au seigneur du verger.\nRoses la estoient a mousseaulx\nRosiers ne vis oncques si beaulx\nNe boutons petis et bien clos\nEt aultres qui estoient plus gros.\nLay en eut d'autre moyson\nLesquelz tendoient a leur saison\nEt s'aprestoyent d'espanouir\nEt a perfection venir.\nLes roses ouvertes et l\u00e9es\nSont en ung jour toutes hal\u00e9es,\nMais les boutons durent tous frais\nA tout le moins deux jours ou trois.\nIceulx boutons tresfort me pleurent\nCar oncques plus beaulx veuz ne furent.\nQui en pourroit ung acrocher\nIl le devroit tenir moult cher.\nSi ung chapeau j'en peusse avoir\nMieulx l'aymasse que nul avoir.\nEntre tous ces boutons j'en vy\nUng si tresbel qu'envers celluy\nNul des autres riens ne prisay\nQuant sa grant beault\u00e9 advisay,\nCar une couleur l'enlumine\nQui est vermeille et aussi fine\nComme nature le sceust faire.\nDes feuilles y eut mainte paire\nQue nature par ses maistrises\nY avoit mises et assises.\nLa queue droicte comme ung jon\nFut, et dessus est le bouton\nQui ne s'encline ne ne pend\nSon odeur par tout se r\u00e9pend\nEt la souefvet\u00e9 qui en yst\nToute la place replandist.\nQuant je l'euz senti au flairer\nAilleurs ne voulu repairer\nSe je y osasse la main tendre\nEt moy approcher pour le prendre\nJe le feisse, mais les poingnans\nChardons, m'en faisoyent eslongnans\nEspines trenchans et agues\nOrties et ronces crochues\nNe me laissoyent plus avant traire\nCar je craingnois a me mal faire.\n<\/pre>\n\n\n\n
Comment Amour au beau jardin…<\/h3>\n\n\n\n
Comment Amour au beau jardin\nTraicta l'Amant de cueur fin\nAyma le bouton tellement\nOu'il en eust grant empeschement\nLe dieu d'Amours qui l'arc tendu\nM'avoit tout le jour attendu\nA me poursuyr et espier\nSi s'arresta soubz ung figuier\nEt quant il eut bien apperceu\nQue j'avoye si bien esleu\nLe bouton qui plus me plaisoit\nEt qui si fort mon cueur aisoit\nTantost une fleche il a prise\nEt la dessus la corde mise.\nIl l'entesa jusqu'a l'oreille\nL'arc qui estoit fort a merveille\nEt tyra a moy par tel guise\nQue par l'ouyr la fleche a mise\nJusques au cueur par grant roydeur\nEt lors me print une froideur\nDont j'ay dessoubz chault pelisson\nSenti au cueur mainte frisson.\nQuant j'euz est\u00e9 ainsi bers\u00e9\nA terre fuz tantost vers\u00e9\nCueur me faillit, sueur me vint\nPasmer par force me convint\nQuant je revins de pasmoyson\nEt j'euz mon sens et ma raison\nJe fuz moult vain et ay cuid\u00e9\nBeaucoup de sang avoir vuyd\u00e9.\nMais la sajette qui me point\nDe mon sang hors ne tyra point\nAins fut la playe toute seiche\nJe prins lors a deuz mains la fleche\nEt la commencay a tyrer\nEt en la tyrant souspirer\nEt tant tiray que je amenay\nA moy le fust tout empenn\u00e9,\nMais la sajette barbel\u00e9e\nQui Beault\u00e9 estoit appell\u00e9e\nFut dedans mon cueur si fich\u00e9e\nQu'elle n'en peut estre arrach\u00e9e\nAins demeura en mon corps toute\nSans en saillir de mon sang goutte\nAngoisseux fus et moult troubl\u00e9\nPour le p\u00e9ril qui fut doubl\u00e9\nNe sceu que faire ne que dire\nNe pour ma playe trouver mire\nCar par herbe ne par racine\nJe ne sceu trouver m\u00e9decine.\nVers le bouton se fl\u00e9chissoit\nMon cueur qui ailleurs ne pensoit\nSi je l'eusse eu a mon plaisir\nSant\u00e9 eusse eu a le saisir.\nLe veoir sans plus et son odeur\nTresfort m'alegeoyt ma douleur.\nJe me commencay a retraire\nVers le bouton a mon contraire\nAmour avoit ja recouvr\u00e9e\nUne autre fleche a or ouvr\u00e9e\nSimplesse eut nom,c'est la seconde\nQue maint homme parmy le monde\nEt mainte femme faict aymer\nQuant amour me vit opprimer\nIl tyra vers moy sans menasse\nLa fleche sans fer par audace\nSi que par l'oeil au corps m'entra\nLa sajette qui n'en ystra\nJamais ce croy par homme n\u00e9\nCar au tyrer ay amen\u00e9\nLe fust avec moy sans contans\nEt le fer demeura dedans\nOr saichez bien en v\u00e9rit\u00e9\nQue si j'avoys devant est\u00e9\nDu bouton bien entalent\u00e9\nPlus grande fut ma voulent\u00e9\nEt quant le mal plus m'angoissoit\nTant plus ma voulent\u00e9 croissoit\nD'aller tousjours a la rosette\nQui trop mieulx valoit que violette\nJe m'en vouluz bien excuser\nMais cela ne peuz refuser\nCar or tousjours mon cueur tendoit\nA la chose qu'il demandoit\nAller m'y convenoit par force\nEt d'autre part l'archier s'efforce\nEt a me grever moult se peine\nSans me laisser aller sans peine\nIl m'a faict pour mieulx m'affoler\nLa tierce fleche au corps voler\nQui Courtoysie est appell\u00e9e\nLa playe me fut grande et l\u00e9e\nParquoy je cheuz adonc pasm\u00e9\nDessoubz ung olivier ram\u00e9\nPar moult long temps sans remuer.\nQuant je me peuz evertuer\nJ'ay la fleche prins et ost\u00e9\nTantost le fust de mon cost\u00e9\nMais oncques ne sceu le fair traire\nPour chose que je peusse faire.\nEn me s\u00e9ant me suis rassis\nMoult angoisseux et moult pensis\nFort me destraint ycelle playe\nEt me semont que je me traye\nVers le bouton qui m'entalente\nEt l'archier or me repr\u00e9sente\nLa quarte fleche au pennon d'or\nQui le cueur me blessa encor\nTelle fleche avoit nom Franchise\nLaquelle il tira a sa guise\nDonc bien me dois espouventer\nEschauld\u00e9 doit chaleur doubter\nMais je n'y scauroye pourveoir\nCar si je veisse la plouvoir\nCarreaux et pierres par mesl\u00e9e\nAussi espes comme gresl\u00e9e\nSi falloit il que je y allasse\nAmour qui toute chose passe\nMe donnoit cueur et hardement\nDe faire son commandement\nJe fuz adonc sur pi\u00e9 dress\u00e9\nFoyble vain et comme bless\u00e9\nSi m'eschauffay moult de marcher\nNon point diff\u00e9rent pour l'archier\nVers le rosier ou mon cueur tent\nMais d'espines y avoit tant\nDe ronces et chardons agus\nNon pourtant je ne fuz confus\nQu'au rosier ne voulusse attaindre\nEt les espines tost enfraindre\nQui le rosier environnoient\nEt de toute part me poignoient\nMais si bien me vint que j'estoye\nSi pres du bouton que sentoye\nLa doulce odeur qui en yssoit\nSi que mon mal se adoulcissoit\nDe ce me venoit tel guerdon\nQuant le voyois en mon bandon\nQue tous mes maulx entreobligeoye\nPour le d\u00e9lict ou me voyoye\nAdonc fuz gu\u00e9ry et bien ayse\nCar rien n'estoit qui tant me plaise\nComme d'estre illec a s\u00e9jour\nPartir n'en vouloye nul jour.\nQuant illec je fuz longue piece\nLe dieu d'Amours qui tout despiece\nA mon cueur donc il fit bersault\nBailla nouvel et fier assault\nEt me tira pour mon meschief\nLa quinte fleche de rechief\nJusques au cueur soubz la mammelle\nDont la grant douleur renouvelle\nDe mes playes en ung tenant\nTrois foys me pasmay maintenant\nAu revenir pleure et souspire\nCar ma douleur devenoit pire\nSi fort que je n'euz esp\u00e9rance\nDe guarison ne d'al\u00e9geance\nMieulx valloit estre mort que vis\nCar en la fin par mon advis\nAmour me fera ung martir\nPar aultre lieu n'en peult partir\nLa sixiesme fleche il a prise\nC'est celle que tresfort je prise\nEt si la tient a moult pesant\nC'est Beau Semblant qui ne consent\nA nul amant qu'il se repente\nD'aymer quelque peine qu'il sente\nElle est ague pour percer\nTrenchant comme rasoir d'acier\nMais Amour avoit bien la pointe\nD'ung pr\u00e9cieux oingnement ointe\nAffin qu'elle ne me peust nuyre\nCar Amour ne veult que je empire\nMais vouloit que j'eusse al\u00e9geance\nPar la force et par la puissance\nDe l'oignement si bon et plain\nQue j'en eus trestout le corps sain.\nIl est pour amans conforter\nEt pour leurs maulx mieulx supporter\nCelle fleche fut a moy traicte\nQui m'a au cueur grant playe faicte\nMais l'oingnement si s'espandit\nPar mes playes et me rendit\nLe cueur qui m'estoit tout failly\nLa mort m'eust en brief assailly\nSi le doulx oignement ne fust\nJe tiray hors a moy le fust\nMais le fer dedans demeura\nEt par chaleur mon cueur n'aura\nSix fleches y furent croch\u00e9es\nQui ja n'en seront arrach\u00e9es\nMais l'oignement moult ne valut\nToutesfois tresfort me dolut\nLa playe si que ma douleur\nMe faisayt muer la couleur\nEn ceste fleche par coustume\nEstoit doulceur et amertume.\nJ'ay bien congneu par sa puissance\nSon ayde, secours et nuysance.\nGrant trou me fit par sa pointure,\nMais fort me soulagea l'oingture\nD'une part moingt, d'autre me cuist\nEt ainsi m'ayde, ainsi me nuyst.\n<\/pre>\n\n\n\n
Comment Amours sans plus attendre…<\/h3>\n\n\n\n
Comment Amours sans plus attendre\nAlla tout courant l'Amant prendre\nEn luy disant qu'il se rendist\nA luy, et que plus n'attendist.\nLe dieu d'Amours est descendu\nEt est incontinent venu\nVers moy, puis tantost m'escrya\nVassal prins estes rien n'y a\nDe l'efforcer ne du deffendre\nNe differe point a te rendre\nTant plus voulentiers te rendras\nEt plustost a mercy viendras.\nIl est fol qui mene Dangier\nVers celluy qu'il doit calengier\nEt qu'il luy convient supplier.\nTu ne pourras mieulx employer\nTa paine et pour toy advancer\nVers moy ne te peulx efforcer\nTa force te seroit contraire\nEt te nuyroit en ton affaire.\nEt si te veulx,bien enseigner\nQue tu ne pourras rien gaigner\nEn la folye de ton orgueil,\nMais rend toy prins, car je le vueil\nEn paix et d\u00e9bonnairement,\nEt je respondis simplement.\nSire vouluntiers me rendray\nJa vers vous ne me deffendray\nA Dieu ne plaise que je pense\nFaire vers vous quelque deffense,\nCar ce n'est pas raison ne droit\nAussi mon cueur ne le vouldroit\nVous me povez prendre et tuer\nBien scay que ne vous peulx muer,\nCar ma vie est en vostre main.\nVivre ne puis jusques a demain\nSinon par vostre voulent\u00e9.\nJ'attens par vous joye et sant\u00e9,\nCar par aultre ne puis avoir\nR\u00e9confort pour tout mon avoir\nVoire confort et guarison.\nEt si de moy vostre prison\nVoulez faire comme indigne\nJe ne me tiens pour engigne.\nOr saichez que je n'ay point dire\nTant ay de vous bien ouy dire\nQue mettre me vueil par office\nCueur et corps a vostre service,\nCar si je fais vostre vouloir\nJe ne m'en peulx en rien douloir,\nEt espere qu'en aucun temps\nAuray la mercy que j'attens.\nAdonc me suis agenoill\u00e9\nPour or vouloir baiser son pi\u00e9,\nMais il m'a la dextre main prise\nEt dit, je t'ayme bien et prise\nPuis que m'as ainsi respondu.\nOncq tel respons n'ay entendu,\nD'homme vilain mal enseign\u00e9,\nEt par ce point tu as gaign\u00e9\nQue je vueil par ton advantaige\nQu'a pr\u00e9sent me faces hommaige.\nTu me baiseras en la bouche\nA qui aulcun vilain ne touche,\nJe n'y laisse mye atoucher\nChascun vilain comme ung boucher,\nMais estre doit courtoys et frans\nCelluy duquel l'hommaige prans,\nCe n\u00e9antmoins celluy a paine\nQui a moy bien servir se paine\nHonneur en aura tel doit estre\nJoyeulx de servir si bon maistre\nEt si hault seigneur de renom.\nD'Amour porte le gomphanon\nDe Courtoysie la baniere,\nEt si est de telle maniere\nSi doulx, si franc et si gentil\nQue celluy qui est bien subtil\nA le servir et honnorer\nDedans luy ne peult demeurer\nVillennye ne mesprison\nNe faulcet\u00e9 ne trahyson.\n<\/pre>\n\n\n\n
Comment apres ce beau langaige…<\/h3>\n\n\n\n
Comment apres ce beau langaige\nL'Amant humblement fit hommaige\nPar jeunesse qui le d\u00e9ceut\nAu dieu d'Amours qui le receut.\nBon homme feuz je les mains jointes\nEt sachez que moult me fis cointes\nQuant sa bouche toucha la moye\nCe fut ce dont j'euz au cueur joye.\nIl me demanda lors ostage.\nAmours parle a l'Amant\nAmys dist il j'ay maint hommaige\nEt d'ungs et d'autres gens receu\nDont j'ay est\u00e9 moult tost d\u00e9ceu.\nLes f\u00e9lons plains de faulcet\u00e9\nM'ont par maintesfois barat\u00e9,\nPar eulx ay souffert mainte noyse,\nMais bien scauront comme il m'en poise\nSi je les peulx a mon droit prendre\nJe leur vouldray cherement vendre.\nEt pource que je suis ton maistre\nJe veulx bien de toy certain estre,\nEt si te vueil a moy lier\nSi que ne me puisses nier\nDe faire rien doresnavant.\nTien moy donc loyal convenant,\nP\u00e9ch\u00e9 seroit si tu trichoyes,\nCar advis m'est que loyal soyes.\nL'Amant respond a Amours\nSire dis je, or m'entendez\nNe scay pourquoy vous demandez\nPlaiges de moy ne seuret\u00e9.\nVous scavez bien la v\u00e9rit\u00e9\nComment le cueur tolu m'avez\nEt prins ainsi que le scavez\nSi que riens ne fera pour moy\nSi ce n'est par le vostre octroy\nLe cueur est vostre nompas mien,\nCar il convient soit mal ou bien\nQu'il face tout vostre plaisir\nNul ne vous en peult dessaisir.\nLa garnison y avez mise\nQui le guerroye a vostre guise,\nEt si de cela vous doubtez\nFaictes y clef et l'emportez\nEt la clef soit en lieu d'oustaige.\nAmours a l'Amant\nPar mon chief ce n'est mye oultraige\nRespond, Amour je m'y acors\nIl est assez seigneur du corps\nQui a le cueur a sa commande,\nOultrageux est qui plus demande.\n<\/pre>\n\n\n\n
Comment Amours tresbien et souef…<\/h3>\n\n\n\n
Comment Amours tresbien et souef\nFerma d'une petite clef\nLe cueur de l'Amant par tel guise\nQu'il n'entama point la chemise\nAmour a de sa bourse traicte\nUne petite clef bien faicte\nQui fut de fin or esuer\u00e9.\nSoubz elle demoura serr\u00e9\nTon cueur qui sera seurement\nContrainct ne sera aultrement.\nPlus est que mon petit doy mendre\nLaquelle a mes amys veulx rendre.\nL'Amant parle\nLa clef m'attacha au cost\u00e9\nQui est de grande potest\u00e9\nEt ferma mon cueur si tressouef\nQu'a grant paine senty la clef.\nAinsi fis sa voulent\u00e9 toute,\nEt quant je l'euz mis hors de doubte\nLuy dis, je suis entalent\u00e9\nDe faire vostre voulent\u00e9,\nMais mon service recepvez\nEn gr\u00e9 et ne me d\u00e9cepvez.\nCe ne dis comme r\u00e9cr\u00e9ant,\nDe vous servir suis agr\u00e9ant,\nMais celluy en vain se travaille\nDe faire service qui vaille\nQuant le service n'entalente\nA cil a qui on le pr\u00e9sente.\nAmours a l'Amant\nAmours respond ne t'espovente\nPuis que consens en mon entente\nTon service prendray en gr\u00e9\nEt te mettray au hault degr\u00e9\nSi mauvaysti\u00e9 ne t'en retraict,\nMais si tost ne peult estre faict\nGrand bien ne vient pas en peu d'heure\nLa convient grand paine et demeure.\nAttens et souffre la destresse\nQui maintenant te nuyt et blesse,\nCar je scay par quelle raison\nTu seras mis a guarison.\nJe te donneray tel beault\u00e9\nSi tu te tiens a loyault\u00e9\nQui tes playes te guarira\nQuant je scauray et m'aperra\nSi de bon cueur me serviras\nEt comment tu exploicteras\nNuyt et jour mes commandemens\nQue je commande aux vrays amans.\nL'Amant parle a Amours\nSire dis je pour Dieu mercy\nAvant que vous partez d'icy\nEnchargez moy voz mandemens\nEt selon voz enseignemens\nDu tout je les accompliray\nEt jamais n'y contrediray\nPource je les d\u00e9sire apprendre\nAffin que ne puisse mesprendre.\nAmour respond a l'Amant\nAmours respond, tu dis tresbien\nSi les entens et les retien,\nCar le maistre pert peine toute\nQuant le disciple qui escoute\nNe met tel soing a retenir\nQui luy en puisse souvenir.\nL'Amant\nLe dieu d'Amours lors m'enchangea\nTout ainsi que vous orrez ja\nMot a mot ses commandemens\nEt comme disent les rommans\nQui veult aymer si y entende\nAinsi comme Amour le commande,\nCar il les fait bon escouter\nQui son entente y veult bouter\nPource que la fin en est belle\nEt que c'est matiere nouvelle\nQui du songe la fin orra\nJe vous dis bien qu'il y pourra\nDes jeuz d'Amours assez apprendre\nPourveu que bien y vueille entendre\nEt bien concepvoir la substance\nDu songe et la signifiance\nLa v\u00e9rit\u00e9 qui est couverte\nVous en sera lors toute aperte\nQuant d\u00e9clarer m'orres le songe\nOu point n'est fable ne mensonge.\n<\/pre>\n\n\n\n
Comment le dieu d’Amours enseigne…<\/h3>\n\n\n\n
Comment le dieu d'Amours enseigne\nL'Amant et dit qu'il face et tienne\nLes reigles qu'il baille a l'Amant\nEscriptes en ce bel rommant\nVillennye premierement\nCe dist Amour vueil et comment\nQue tu d\u00e9laisses sans reprendre\nSi tu ne veulx vers moy mesprendre\nSi mauldis et excommunie\nTous ceulx qui ayment villennie\nVillennie le villain faict\nAym\u00e9 n'est par dict ne par faict\nVillain est f\u00e9lon sans piti\u00e9\nSans service et sans amyti\u00e9.\nApres garde toy de surtraire\nChose des gens qui face attraire\nProesse n'est pas de mesdire\nEn lieulx le s\u00e9n\u00e9chal te mire\nQui fut par mesdire jadis\nMal renomm\u00e9 de tous mauldis\nAutant que Gauvain eut le pris\nComme courtoys et bien apris\nAutant eut Keulx de villennye\nPar mesdire et par f\u00e9lonnie.\nDes mocqueurs l'estandart portoit\nTant a mocquer se d\u00e9lectoit.\nOr soye sage et raisonnable\nEn doulx parler et convenable\nAux grans personnes et menues\nEt quant tu yras par les rues\nFais que tu soye coustumier\nA saluer gens le premier\nSi aucun devant te salue\nN'ayes pas lors la langue mue\nAins garny toy du salut rendre\nSans demourer et sans attendre.\nApres gardes que tu ne dies\nAulcuns motz laitz et ribauldies\nJa pour nommer villaine chose\nNe doit ta bouche estre desclose\nJe ne tiens pas a courtoys l'homme\nQui orde chose et laide nomme.\nToutes femmes sers et honnore\nA les ayder peine et labore\nEt si tu oys nul mesdisant\nQui les femmes soit desprisant\nBlasme le et fais qu'il se taise\nFais si tu peulx chose qui plaise\nAux dames et aux damoyselles\nSi qu'ilz ayent bonnes nouvelles\nDe ton parler et racompter\nPar ce pourras en pris monter.\nApres cela d'orgueil te garde\nEt a ce faire bien regarde\nOrgueil est folie et p\u00e9ch\u00e9\nEt qui d'orgueil est entach\u00e9\nIl ne peult son cueur employer\nA servir ny a s'employer\nOrgueilleux faict tout le contraire\nDe ce que vray amant doit faire\nMais qui d'amour se veult pener\nIl se doit cointement mener\nCar qui est coint n'a pas orgueil\nMais il est tresplaisant a l'oeil\nQuant il n'est pas oultrecuid\u00e9\nDe ce doit il estre vuid\u00e9\nDe vestement et de chaussure\nSelon ta rente ta mesure\nBien te dy que bel vestement\nA l'homme siet honnestement\nEt si dois ton habit bailler\nA tel qui le saiche tailler\nEt faire bien s\u00e9ant les pointes\nEt les manches droictes et cointes\nSoulliers, a las aussi houseaux\nAyez souvent frais et nouveaux\nLesquelz soient beaulx et faitis\nNe trop larges ne trop petis\nDe gans et de bourse de soye\nEt de sainture te cointoye\nEt si tu n'as si grand richesse\nQue faire ne puisses largesse\nTout au plus mieulx te doys conduire\nQue tu pourrois sans toy destruyre\nChapeau de fleurs qui moult peu couste\nOu des roses de Penthecouste\nPeulx tu bien sur ton chief avoir\nLa ne convient pas grant avoir.\nNe seuffre sur toy nulle ordure\nLave tes mains et tes dens pure\nEt si en tes ongles a du noir\nNe le laisse pas remanoir,\nTiens toy bien net, tes cheveulx pigne\nMais ne te farde ne ne guigne\nTelles choses ne font sinon\nGens folz et de mauvais renom\nQui Amour par malle adventure\nOnt trouv\u00e9 encontre nature\nIl te doit apres souvenir\nDe Joyeuset\u00e9 maintenir\nA Joye et a D\u00e9duit t'atourne\nAmour n'a cure d'homme morne\nLa m\u00e9lodie est moult courtoyse\nOu est Joyeuset\u00e9 sans noyse\nAmans sentent les maulx d'aymer\nUne foys doulx et l'autre amer\nMal d'aymer est moult oultraigeux\nEt l'Amant est tost en ses jeux\nTost se complaint tost se d\u00e9mente\nA ung coup pleure a l'autre chante\nSi tu scez nul beau desduit faire\nPar lequel aux gens puisses plaire\nJe t'ordonne que tu le faces\nChascun doit faire en toutes places\nCe qu'il scet que mieulx luy advient\nCar bon loz pris et grace en vient\nSi tu te sens juste et l\u00e9gier\nNe fais pas de saillir dangier\nEt si tu es bien a cheval\nTu dois poindre amont et aval\nEt si tu scais lances briser\nTu en peulx moult faire priser\nSi aux armes es assur\u00e9\nDe tant plus seras honnor\u00e9\nSi tu as clere et saine voix\nTu ne dois pas qu\u00e9rir forvois\nDe chanter si l'on t'en semont\nCar beau chanter moult plaist adont\nAussi d'instrumens de musicque\nTe fault avoir quelque pratique\nEt pareillement de dancer\nCe te pourra moult avancer.\nNe te fais tenir pour aver\nCar ce te pourroit moult grever\nCar c'est bien raison que l'Amant\nDonne du sien plus largement\nQue les villains plains d'avarice\nAusquelz Amour n'est point propice\nA qui il ne plaist de donner\nD'estre Amant ne se doit pener.\nMais qui en veult avoir la grace\nD'avarice tost se defface\nCar cil qui par regard plaisant\nOu par doulce chere faisant\nOu par aulcun beau ris serin\nDonne son cueur tout enterin\nBien doit apres si riche don\nDonner nour avoir a bandon.\nMaintenant te vueil recorder\nQu'a mes dis tu dois accorder\nCar la parolle estant moult griefve\nA retenir quant elle est briefve\nQui d'amours veult faire son estre\nBien saige sans orgueil doit estre\nDe cointise soit bien garni\nGaillard de largesse fourni\nApres t'en joings par p\u00e9nitence\nQue jour et nuyt sans repentance\nA bien aymer soit ton penser\nToujours pense la sans cesser\nEt recorde de la doulce heure\nDont la joye tant te demeure\nEt affin que vray Amant soyes\nJe te commande que tu ayes\nEn ung seul lieu ton cueur assis\nFerme constant et bien rassis\nSans barat et sans tricherie\nFraude ne nulle tromperie.\nQui en maintz lieux son cueur d\u00e9part\nPar tout en a petite part\nMais de celluy pas ne me doubte\nQui tient en ung lieu s'amour toute\nPource vueil qu'en ung lieu la mettes\nEt qu'en autre part ne la prestes\nCar si tu l'avoyes prest\u00e9e\nElle seroit tost d\u00e9gast\u00e9e\nMais donne la en don tout quicte\nTu en auras plus gran m\u00e9rite\nCar bont\u00e9 de chose prest\u00e9e\nEst tost rendue et acquit\u00e9e\nMais de chose donn\u00e9e en don\nDoit estre moult grant le guerdon.\nOr donnes la donc quictement\nEt le fais d\u00e9bonnairement\nCar on a la chose plus chiere\nQui est donn\u00e9e a belle chiere\nPeu doit estre ou rien guerdonn\u00e9e\nLa chose par regret donn\u00e9e\nQuant tu auras ton cueur donn\u00e9\nAinsi que je t'ay sermonn\u00e9\nLors te viendront les adventures\nQui aux amans sont tres fort dures,\nSouvent quant il te souviendra,\nDe tes amours te conviendra\nPartir des jeux faisant devoir\nQue nul ne puisse apercevoir\nLe mal que tu souffres et l'angoisse\nA une seullement t'adresse.\nEn maintes manieres seras\nTravaill\u00e9, grant mal sentiras,\nUne heure chault a l'autre froit\nPasser te fault par ce destroit,\nVermeil une heure l'autre palle\nTu n'euz oncques fievre si malle\nNe quotidianes ne quartes.\nTu auras bien ains que tu partes\nLes douleurs d'Amours essay\u00e9es :\nTes forces y seront ploy\u00e9es\nTant qu'en pensant te troubleras\nEt une grant piece seras\nAinsi comme est l'ymaige mue\nQui ne se crosle ne ne mue\nSans piedz sans mains sans doys crosler\nSans yeulx mouvoir et sans baller.\nAu chief de piece reviendras\nEn ta m\u00e9moire et tressauldras,\nFrayeur auras au revenir\nDe paour ne te pourras tenir.\nSouspirs auras du cueur parfont,\nCar saiches bien que ainsi le font\nCeux qui tel mal ont essay\u00e9\nDont tu seras lors esmay\u00e9.\nApres droit est qu'il te souvienne\nDe t'amye s'elle est loingtaine.\nLors malheureux te jugeras\nQuant d'elle pres tu ne seras,\nEt conviendra que ton cueur soit\nEn ce que ton oeil n'apercoyt,\nDisant mes yeulx veulx envoyer\nApres pour le cueur convoyer,\nDoivent ilz icy arrester ?\nNenny, mais voisent visiter\nCe dont le cueur a tel talent.\nJe me peuz bien tenir pour lent\nQuant de mon cueur si loingtain suis\nPour fol bien tenir je me puis.\nOr iray plus ne laisseray\nJa a mon aise ne seray\nDevant qu'aucune enseigne n'aye.\nAdonc te mettras en la voye\nEt iras soubz ung tel couvent\nQu'\u00e0 ton vouloir fauldras souvent\nEt gasteras en vain tes pas,\nCar ce que quiers ne verras pas.\nOr conviendra que tu retournes\nSans rien faire pensif et mornes,\nEt si seras en grant meschief\nEt te viendront tout de rechief\nGros souspirs plaintes et frissons\nPlus poingnantes que h\u00e9rissons\nQui ne le scait si le demande\nA cil qui d'Amour tient la bande.\nTon cueur ne pourras apaiser,\nMais vouldras encore viser\nSi tu verras par adventure\nCelle dont tu as si grant cure.\nEt si tu te peulx tant pener\nQue puisses veoir et assener\nTu vouldras tres ententif estre\nA tes yeulx saouler et repaistre.\nGrant joye en ton cueur meneras\nDe la beault\u00e9 que tu voirras,\nEt saiches que du regarder\nTon cueur feras frire et larder.\nEt tout adonc en regardant\nAlumeras le feu ardant.\nCelluy qui ayme plus regarde,\nPlus enflame son cueur et l'arde,\nS'il art alume et fait flamer\nLe feu qui faict les gens aymer.\nChascun amant suit par coustume\nLe feu qui l'art et qui l'alume\nOuant le feu de plus pres il sent\nEt il s'en va plus oppressant.\nLe feu art celluy qui regarde\nS'amye s'il n'y prent bien garde,\nCar de tant plus qu'il s'en tient\nA aymer plus fort se maintient.\nCela scet le saige musart\nQue qui est pres du feu plus art.\nTant que t'amye ainsi verras\nJamais partir ne t'en pourras,\nEt quant partir te conviendra\nPar tout le jour te souviendra\nDe celle que tu auras veue\nDont tu te tiendras pour grue.\nAultre chose vient mallement\nC'est que couraige et hardement\nN'auras eu pour l'arraisonner\nAins as est\u00e9 sans mot sonner\nD'elle pres confus et empris\nDont tu cuidras avoir mespris\nQue tu n'as la belle appell\u00e9e\nDevant qu'elle s'en fust all\u00e9e.\nTourner te doit \u00e0 grant contraire,\nCar si tu n'en eusses peu traire\nFors seullement ung beau salut\nPlus de cent marcz d'or te valut.\nAlors prendras a d\u00e9valler\nQu\u00e9rant occasion d'aller\nDe rechief dehors en la rue\nOu tu avoys celle la veue\nQue tu n'osas mettre a raison\nTu iroys bien en sa maison\nVoulentiers si raison avoyes,\nIl est droit que toutes tes voyes\nEt tes al\u00e9es et ton tour\nS'en reviennent par la entour.\nDevers les gens tresbien te celle\nQuiers autre occasion que celle\nQui en ce lieu te fait aller\nCar c'est grant sens de se celler.\nEt s'il est chose que tu voyes\nT'amye apoint et que la doyes\nArraisonner et saluer\nLors te fauldra couleur muer\nCar tout le sens te fr\u00e9mira,\nParolle et sens tout te fauldra\nQuant tu cuyderas commencer,\nEt si tant te veulx avancer\nQue ta raison commencer oses\nLors que devras dire trois choses\nTu n'en diras mie les deux\nTant seras adonc vergondeux,\nAucuns ne sont si appensez\nQu'en tel point n'oublient assez.\nQuant ta raison sera finie\nSans ung seul mot de villennie\nMoult desplaisant au cueur seras\nSi riens oubli\u00e9 tu auras\nQui te estoit advenant a dire.\nAdonc seras en grant martire,\nC'est la bataille c'est la dure\nC'est le contens qui toujours dure,\nJa fin ne prendra ceste guerre\nJusques qu'en vueilles la paix querre.\nQuant les nuytz venues seront\nMille desplaisirs te verront,\nTu te coucheras en ton lict\nOu tu prendras peu de d\u00e9lict,\nCar quant tu cuideras dormir\nTu commenceras a fr\u00e9mir\nA tressaillir a d\u00e9mener\nD'ung cost\u00e9 sur l'autre tourner,\nUne heure envers et l'autre a dens\nComme cil qui a mal aux dens.\nLors te viendra a remembrance\nEt sa facon et sa semblance\nA qui nulle ne s'apareille.\nJe te diray moult grant merveille.\nTelle fois te sera advis\nQue tu tiendras celle au cler vis\nEntre tes bras et toute nue\nComme s'elle fust devenue\nDu tout t'amye et ta compaigne,\nLors feras chasteaulx en Espaigne,\nEt si auras joye de n\u00e9ant\nPour le temps qui sera b\u00e9ant\nEn la pens\u00e9e d\u00e9lectable\nLa ou n'est que mensonge et fable\nMais peu y pourras demeurer.\nLors commenceras a pleurer\nEt diras, mais ay je song\u00e9\nSuis je remu\u00e9 ou boug\u00e9\nD'ou peult venir ceste pens\u00e9e.\nPleust or que dix fois la journ\u00e9e\nChose semblable revenist\nTant el me plaist et replenist\nDe joye et de bonne adventure\nMais ceste facon peu me dure.\nLas verray je point que je soye\nEn tel point comme je songeoye\nLa mort ne me greveroit mye\nSe je mouroys es bras m'amye.\nMoult me griefve amour et tourmente\nSouvent me plains et me d\u00e9mente,\nMais si Amour tant fait que j'aye\nDe m'amye l'entiere joye\nBien seroit mon mal rachet\u00e9\nLa chose vueil de grant chiert\u00e9.\nJe ne me tiens mye pour saige\nQuant je demande tel oultraige,\nCar celluy qui quiert musardie\nBien dessert que l'on l'escondie.\nNe scay comment je l'ose dire\nPlus fort que moy et plus grant sire\nQue ne suis auroit grant honneur\nEn ung loyer assez mineur,\nMais si sans plus d'ung doulx baiser\nLa belle me vouloit ayser\nMoult auroye riche desserte\nDe la paine que j'ay soufferte,\nMais forte chose est a venir.\nJe me peulx bien pour fol tenir\nD'avoir en tel lieu mon cueur mis\nDont a nul point ne suis submis.\nCe dis comme fol ennuyeulx\nCar ung regard d'elle vault mieulx\nQue d'autres plus de cent entiers,\nJe la veisse moult voulentiers\nSi c'estoit le vouloir de Dieu\nPr\u00e9sentement en cestuy lieu.\nDieu quant sera il adjourn\u00e9\nTrop ay en ce lieu s\u00e9journ\u00e9,\nJe n'ayme mye tel d\u00e9sir\nQuant je n'ay ce dont j'ay d\u00e9sir,\nD\u00e9sir est ennuyeuse chose\nQuant la personne ne repose.\nMoult m'ennuye certes et griefve\nQuant l'aube maintenant ne creve\nEt que la nuyt tost ne trespasse :\nCar s'il fust jour je m'en allasse.\nHa soleil pour Dieu haste toy\nNe fais s\u00e9jour apreste toy,\nFais d\u00e9partir la nuyt obscure\nEt son ennuy qui trop me dure.\nLa nuyt ainsi tu contiendras\nEt de repos point ne prendras\nTant seras de d\u00e9sir garny.\nEt quant tu ne pourras l'ennuy\nSouffrir en ton lict de veiller\nLors te fauldra appareiller\nVestir chausser et atourner\nAins que tu voyes adjourner,\nTu t'en iras en recell\u00e9e\nPar pluye soit ou par gel\u00e9e,\nTout droit vers l'hostel de t'amye\nQui sera tres bien endormie\nEt a toy ne pensera guiere.\nUne heure iras \u00e0 l'huis derriere\nScavoir s'il sera point ouvert\nEt guetteras a descouvert\nTout seul a la pluye et au vent\nEt puis iras a l'huis devant\nScavoir s'il y a ouverture\nEt si tu y trouves faulture\nEscouter doibs parmy la fente\nSe nul de lever se d\u00e9mente\nEt si la belle sans plus veille\nOr te dis bien et te conseille\nQue si elle te veoit langorer\nEn congnoissant que reposer\nNe peulx au lit pour s'amyti\u00e9\nMieulx t'en aymera la moyti\u00e9.\nQuant en ce point ouy t'aura\nEn amour se consentira\nEt aura vers toy amyti\u00e9\nBien doibt dame aucune piti\u00e9\nAvoir de celluy qui endure\nTel mal pour luy si trop n'est dure\nJe te diray que tu dois faire\nPour l'amour de la d\u00e9bonnaire\nDe qui tu ne peulx aise avoir\nAu d\u00e9partir fait ton devoir\nDe baiser l'huis guischet ou porte\nA cela faire je t'enhorte\nEt affin que l'on ne te voye\nDevant la maison ou en voye\nFais que tu soyes retourn\u00e9\nAins qu'il soit gueres ajourn\u00e9\nIceulx pas et iceulz allers\nIceulx pensers iceulx parlers\nFont aux amans soubz leurs drapeaulx\nRudement amaigrir leurs peaulx\nTu le pourras par toy scavoir\nSi de bien aymer fais devoir\nEt saiche bien qu'Amours ne laisse\nSur fin amant couleur ne gresse\nDe ce ne sont aparoissans\nCeulx qui dames vont trahissans\nEt disent pour eulx losenger\nQu'ilz ont perdu boire et manger\nEt je les voy comme jengleurs\nPlus gras que abbez ne que prieurs\nEncore te commande et charge\nQue te faces tenir pour large\nA la servante de l'hostel\nQuelque beau don donne luy tel\nQu'elle die que tu es vaillant\nT'amye et tous ses biens vueillans\nDois honnorer et chier tenir\nGrant bien t'en peult par eux venir\nCar cil qui est d'elle priv\u00e9\nLuy comptera qu'il t'a trouv\u00e9\nPreux et courtois et lib\u00e9ral\nMieulx t'en prisera bon vassal\nDu pays guere ne t'eslongne\nEt si tu as si grant besongne\nQu'il te faille trop eslongier\nGarde toy de ton cueur changier\nEn aultre qu'en la cr\u00e9ature\nOu est ta pens\u00e9e et ta cure\nEn pensant de tost retourner\nTu ne doys gueres s\u00e9journer\nFais or semblant que veoir te tarde\nCelle qui a ton cueur en garde\nJe t'ay dit comme et en quel guise\nL'Amant doibt faire sa devise\nFais donc ainsi sur toute chose\nSi fruict veulx avoir de la rose.\nL'Amant parle a Amours\nQuant Amours m'eut ce command\u00e9\nJe luy ay adonc demand\u00e9\nPar quel moyen guise et comment\nPeult endurer le vray Amant\nTout le mal que m'avez compt\u00e9\nVous m'avez fort espouvent\u00e9\nDe ce que vit l'homme et endure\nEn telle peine et telle ardure\nEn dueil en souspirs et en lermes\nEt en tous poins et en tous termes\nEt en soucy et en grant dueil\nCertainement je m'esmerveil\nComment l'homme s'il n'est de fer\nPeult vivre ung moys en tel enfer.\nSus ce propos et ma demande\nAmour respond et sans amende.\nAmours parle a l'Amant\nBeaulz amys par l'ame mon pere\nNul n'a bien s'il ne le compere\nOn ayme trop mieulx l'achat\u00e9\nQuant on l'a bien chier achat\u00e9\nEt en plus grans gr\u00e9 sont receuz\nLes biens qu'on a a griefz receuz\nQue ceulz que l'on a eu pour n\u00e9ant\nCar trop on les va violant.\nHomme n'est qui le mal congnoisse\nQue souffre l'Amant et l'angoisse\nNul ne pourroit le mal d'aymer\nEt deust il espuiser la mer\nCompter en rommant ou en livre\nEt toutesfois il convient vivre\nLes amans, il en est mestier\nChascun fuit de mort le sentier\nCelluy qu'on met en chartre obscure\nEn la vermine et en l'ordure\nQui n'a pain d'orge ne d'avaine\nNe se meurt mye pour la peine\nEsp\u00e9rance confort luy livre\nQu'il se cuide trouver d\u00e9livre\nEncor par quelque chevissance\nTout ainsi et en tel balance\nCelluy qu'amours tient en prison\nCuide trop avoir garison,\nCelle Esp\u00e9rance le conforte\nEt cueur et talent luy aporte\nDe son corps a martyre offrir\nEsp\u00e9rance luy faict souffrir\nLes maux dont on ne scet le compte\nPour la joye qui trop hault monte\nEsp\u00e9rance vainct par souffrir\nEt faict l'Amant a vivre offrir\nO b\u00e9noiste soit Esp\u00e9rance\nQui ainsi les amans avance\nMoult est celle dame Courtoise\nQui ja ne lairra une toise\nNul vaillant homme jusques au chief\nNe pour p\u00e9ril ne pour meschef\nEt au larron qu'on mene pendre\nLuy faict telle mercy attendre\nEsp\u00e9rance te gardera\nEt ja de toy ne partira\nQu'elle ne garde ta personne\nAu besoing, et oultre te donne\nTrois aultres biens qui grant soulas\nFont a ceulx qui sont en mes las\nPremierement qui bien soulasse\nCelluy que mal d'aymer enlasse\nA qui Esp\u00e9rance s'accorde\nC'est Doulx Penser que l'on recorde\nCar quant l'Amant plaint et souspire\nEt est en dueil et en martire\nDoulx Penser vient a chief de piece\nQui l'ire et le courroux despiece\nEt a l'Amant en souvenir\nFaict de la joye souvenir\nEt Esp\u00e9rance luy promet\nEt apres au devant luy met\nLes yeulx rians, le nez traictis,\nQui ne sont trop grans ne petis\nEt la bouchette coulour\u00e9e\nL'alaine souefve et odor\u00e9e\nCe luy plaist quant il se remembre\nDe la beault\u00e9 de chascun membre.\nAmour va ses soulas doutant\nQuant d'ung ris ou d'ung beau semblant\nLuy souvient ou de belle chiere\nQue luy a faict s'amye chiere\nDoulx Penser ainsi assouage\nLes douleurs d'Amours et la raige\nC'est cil que je vueil que tu ayes\nEt si l'autre tu refusoyes\nQui n'est mye nom de doulceur\nTu ne seras ja bien asseur.\nLe second bien est Doulx Parler\nQui octroit a maint bachelier\nEt a maintes dames secours\nCar chascun qui de ses amours\nOyt parler moult s'en esbaudit\nSi me semble que pour ce dit\nLa dame respond a ung mot\nEt dit par ung parler mignot\nMoult suis dit elle en bonne escolle\nQuant de mon amy oy parolle\nSe m'aist Dieu celluy m'a garie\nQu'il m'en parle quoy qui m'en die\nCelle le Doulx Penser scavoit\nEt du penser ce qui estoit\nCongnoissoit toutes le manieres\nJe te dis et vueil que tu quieres\nUng compaignon saige et celant\nAuquel tu diras ton talent\nEt descouvreras ton couraige\nIl te fera grant avantaige\nQuant tes maulx t'engoisseront fort\nA luy iras par grant confort\nEt parlerez vous deux ensemble\nDe la belle qui ton cueur emble\nDe sa beault\u00e9 de sa semblance\nEt de sa simple contenance\nComment tu pourras chose faire\nQui a t'amye puisse plaire\nSi ceulx qui seront tes amys\nOnt a bien aymer leur cueur mys\nMieulx en vauldra la compaignie\nRaison sera or qu'il te die\nSi s'amye est pucelle ou non\nSes amys, ses parens, son nom\nPar ce n'auras paour qu'il se amuse\nA ta dame ne qu'il t'acuse.\nMais vous entreporterez foy\nEt toy a luy et luy a toy.\nSaiche que c'est moult belle chose\nQuant on a homme a qui on ose\nTout son conseil dire et son gr\u00e9\nCe desduyt prendras a bon gr\u00e9\nEt t'en tiendras a bien pay\u00e9\nQuant tu l'auras lors essay\u00e9.\nLe tiers bien vient de regarder\nC'est Doulx Regart qui scet tarder\nA ceulx qui ont amours loingtaines\nPour ce te dis que tu tiennes\nPres de luy metz toy en sa garde.\nSon soulas aucunesfois tarde.\nMais il est aux fins amoureux\nDesduysant et fort savoureux.\nMoult ont au matin bonne encontre\nLes yeulx ausquelz dame dieu monstre\nLe sainctuaire pr\u00e9cieux\nDequoy ilz sont si curieux\nCar le jour qu'ilz le peuvent veoir\nIl ne leur doit mye mescheoir,\nTel ne doubte pluye ne vent\nNe nul aultre chose vivant\nEt quant les yeulx ont leurs d\u00e9duitz\nIlz sont si apris et si duys\nQue eulx seulx or veullent avoir joye\nParquoy fault que le cueur s'esjoye\nCar les maulx font assolagier\nIlz sont comme vray messaigier\nLes quelz bien tost au cueur envoyent\nNouvelles de tout ce qu'il voyent\nEt pour la joye qui les lie\nLe cueur ses douleurs entroublie\nEt sa destresse malle et fiere,\nCar tout ainsi que la lumiere\nLes tenebres devant soy chasse\nTout ainsi Doulx Regard efface\nLes tenebres ou le cueur gist\nQui nuyt et jour d'amour languist,\nCar le cueur de rien ne se deult\nQuant l'oeil regarde ce qu'il veult.\nOr t'ay je cy tout d\u00e9clair\u00e9\nCe dont je te vis esgar\u00e9,\nCar je t'ay compt\u00e9 sans mentir\nLes biens qui peuvent guarentir\nLes amans et garder de mort.\nTu scez qu'il te fera confort,\nAu moins auras tu Esp\u00e9rance\nDoulx Penser aussi sans doubtance\nPuis Doulx Parler et Doulx Regard,\nJe veuil que chascun d'eulx te gard\nJusques que mieulx puisses attendre\nAultre bien qui ne sera mendre\nLequel tu auras en avant,\nMais d'avantaige en as autant.\n<\/pre>\n\n\n\n
Comment l’Amant dit cy qu’Amours…<\/h3>\n\n\n\n
Comment l'Amant dit cy qu'Amours\nLe laissa en ses grans clamours\nIncontinent qu'Amours m'eut dit\nSon plaisir ne fut contredit.\nMais quant il fut esvanouy\nAdonc fuz je bien esbay\nCar devers moy je ne vis nulz\nDont de mes playes me doluz\nScavant que guarir ne pourroye\nFors par le bouton ou j'avoye\nTout mon cueur mis et ma science\nEt n'avoie en nully fiance\nFors au dieu d'Amours de l'avoir,\nCar je scavoye bien de voir\nQue de l'avoir rien ne m'estoit\nS'Amour ne s'en entremettoit\nLes rosiers d'une claye furent\nCloz a l'environ comme ilz deurent\nMais je passasse la cloyson\nMoult voulentiers pour l'achoyson\nDu bouton flairant comme basme\nSi je n'eusse crains yre ou blasme,\nMais a aulcuns eust peu sembler\nQue les roses voulusse embler\nCe que jamais ne penseray\nNe jamais nul jour ne feray.\n<\/pre>\n\n\n\n
Comment Bel Acueil humblement…<\/h3>\n\n\n\n
Comment Bel Acueil humblement\nOffrit a l'Amant doulcement\nLe passaige pour veoir les roses\nQu'il d\u00e9siroit sur toutes choses\nAinsi que je me pourpensoye\nSe oultre la voye passeroye\nJe viz vers moy tout droit venant\nUng varlet bel et advenant\nEn qui n'estoit rien a blasmer.\nBel Acueil se faisoit nommer\nFilz de Courtoysie la saige\nQui m'abandonna le passaige\nDe la haye moult doulcement\nEt me dit amyablement.\nBel Acueil parle \u00e0 l'Amant\nBel amy chier si bien vous plaist\nPasser la haye sans arrest\nPour l'odeur des roses sentir.\nJe vous y peulx bien garantir\nMal n'y aurez ne villennie,\nMais que vous gardez de folie.\nSi en riens vous y peulx ayder\nJe ne me quiers faire prier,\nCar de faire vostre plaisir\nEn tout honneur j'ay le d\u00e9sir.\nL'Amant respond\nSire dis je a Bel Acueil\nCeste promesse en gr\u00e9 recueil\nEt vous rendz graces et m\u00e9rites\nDe la bont\u00e9 que vous me dictes,\nCar moult vous vient de grant franchise,\nPuis qu'il vous plaist en ceste guise\nPrest suis de passer voulentiers\nPar les ronces et esglentiers.\nVers le bouton m'en voys errant\nLes roses tousjours odorant,\nEt Bel Acueil me convoya\nDe son bien qui moult m'agr\u00e9a.\nSi pres allay sans point me faindre\nQue je l'eusse bien peu attaindre.\nBel Acueil moult bien m'a servy\nQuant le bouton si pres je vy,\nMais ung vilain qui rien n'avoit\nD'illecques pres muss\u00e9 estoit.\nDangier eut nom et fut portier\nEt garde de chascun rosier.\nEn ung destour fut le pervers\nD'herbes et de fueilles couvers\nPour ceulx espier et deffendre\nQui vont aux roses les mains tendre.\nIl fut de trois acompaign\u00e9\nLe lourt vilain mal engrongn\u00e9,\nDe deux femmes et ung mauvais homme,\nL'homme Male Bouche se nomme\nLe faulx trahystre gengleur qu'il fut\nAvec luy Honte, et Peur eut\nLe plus vaillant d'eulx ce fut Honte.\nEt saiches que qui a droict compte\nIl trouvera par son lignaige\nQue Raison fut sa mere saige\nSon pere avoit a nom mal faict\nQui fut si hideux contrefaict\nQu'onques avec Raison ne geut,\nMais or de voir Honte conceut\nQui puis enfanta Chastet\u00e9\nQui a guerre yver et est\u00e9.\nQuant Dieu eut fait de Honte naistre\nChastet\u00e9 qui dame doit estre\nDe tous les rosiers et boutons\nAssaillie fut des gloutons\nSi qu'elle avoit besoing en vie\nCar V\u00e9nus l'avoit assaillie\nQui nuyt et jour souvent luy emble\nBoutons et roses tous ensemble.\nLors requist Raison comme fille\nChastet\u00e9 que V\u00e9nus exille.\nDesconseill\u00e9e moult estoit\nEt de prier Raison se hastoit.\nEt luy presta a sa requeste\nHonte qui est simple et honneste\nEt qui tousjours veult sainctement\nFaire tout son commandement.\nOr sont pour roses garder quatre\nQui se laisseroient devant batre\nQue rose ou bouton on emporte\nArriv\u00e9 fusse a bonne porte\nSi par eulx ne fusse guett\u00e9,\nCar le franc et bien apoint\u00e9\nBel Acueil se penoit de faire\nCe qu'il scavoit qui me deust plaire.\nSouvent me semont d'approcher\nVers le bouton et atoucher\nAu rosier qui estoit chargi\u00e9.\nDe ce me donna il congi\u00e9\nPource qu'il cuydoit que j'en vueille\nCueillir or une verte fueille\nPres du bouton qu'il m'a donn\u00e9\nPour ce que pres de la fut n\u00e9.\nDe la fueille me fis moult coint\nEt quant je me senty acoint\nDe Bel Acueil et si priv\u00e9\nJe cuiday bien estre arriv\u00e9.\nLors prins je cueur et hardement\nDe dire a Bel Acueil comment\nAmours m'avoit prins et navr\u00e9\nSire dis je, jamais n'aur\u00e9\nAyde sinon par une chose\nQui est dedans mon cueur enclose,\nC'est bien pesante maladie\nNe scay comment je la vous die,\nCar je vous crains a courroucier,\nMieulx vouldroye a cousteau d'acier\nPiece a piece estre despi\u00e9c\u00e9\nQue vous en fussiez courrouc\u00e9.\nBel Acueil a l'Amant\nDictes moy donc vostre vouloir\nEt point ne me verrez douloir\nDe chose que me puissez dire.\nL'Amant\nLors je luy dis saichez beau sire\nQu'Amours durement me tourmente\nNe cuidez pas que je vous mente.\nIl m'a au cueur cinq playes faictes\nDont les douleurs n'en seront traictes\nSi le bouton ne m'est baill\u00e9\nQui est des aultres mieulx taill\u00e9.\nIl est ma mort et est ma vie\nD'aultre chose plus n'ay envie,\nLors Bel Acueil c'est effrayez\nEt dist\nBel Acueil a l'Amant\na frere vous bayez\nA ce qui ne peult advenir.\nComment me voulez vous honnir\nVous me auriez par trop assott\u00e9\nSi le bouton m'aviez ost\u00e9\nDu rosier, car ce n'est droicture\nQu'on l'oste de sa nourriture.\nVilain estes du demander\nLaissez le croistre et amender,\nPoint ne veulx qu'il soit desert\u00e9\nDu rosier qui l'a apport\u00e9\nPour aucun pris tant le tiens cher.\nL'Acteur\nAdonc saillit villain Dangier\nDe la ou il estoit muss\u00e9,\nGrand estoit noir et h\u00e9ric\u00e9,\nYeulx ayans rouges comme feux\nLe vis fronc\u00e9, le nez hideux,\nQui s'escrya tout forcen\u00e9.\nDangier a Bel Acueil\nBel Acueil a quoy amen\u00e9\nAs tu cy autour ce vassault,\nTu fais grand mal si Dieu me fault\nIl t'en prendra trop mallement\nMal ayt il sans vous seullement\nQui en ce dangier l'amena\nEt dedans si droit l'assena.\n<\/pre>\n\n\n\n
Comment Dangier villainement…<\/h3>\n\n\n\n
Comment Dangier villainement\nBouta hors despiteusement\nL'Amant d'avecques Bel Acueil\nDont il eut en son cueur grant dueil\nFuyez vassal fuyez d'icy\nA peu que je ne vous occy\nBel Acueil mal vous congnoissoit\nQui a vous servir s'engoissoit,\nVous le vouliez cy allier\nMauvais se fait en vous fier,\nCar en pr\u00e9sent est esprouv\u00e9e\nLa trahyson qu'avez trouv\u00e9e.\nL'Amant a part soy\nJe n'osay la plus remanoir\nPour le villain hideux et noir\nQui me menassoit assaillir\nLa haye m'a faicte saillir\nA tresgrant peur et tresgrant haste\nLe villain a parler se haste\nEt dit que si plus fais retour\nQu'il me fera prendre ung mal tour\nLors s'en est Bel Acueil fouy\nEt je demeuray esbay\nHonteux et mat dont me repens\nQu'oncques je luy dis mon pourpens\nDe ma follye ay je recors\nEt voy que livr\u00e9 est mon corps\nA dueil a peine et a martyre\nMais de ce ay je plus grand yre\nQue je n'osay passer la haye,\nMal n'est aulcun qu'Amour n'essaye\nNe cuidez pas que nul congnoisse\nS'il n'a aym\u00e9 que c'est qu'engoisse\nAmours vers moy tres bien s'aquitte\nDe la peine qu'il m'avoit dicte\nCar cueur ne pourroit pas penser\nNe bouche d'homme recenser\nDe ma douleur la quarte part\nA peu que le cueur ne me part\nQuant de la rose me souvient\nDont tant esloingner me convient\n<\/pre>\n\n\n\n
Comment Raison de Dieu aym\u00e9e…<\/h3>\n\n\n\n
Comment Raison de Dieu aym\u00e9e\nEst or de sa tour d\u00e9val\u00e9e\nQui l'Amant chastie et reprent\nDe ce que folle amour emprent\nEn ce point grant piece arrest\u00e9\nTant que me vis comme mat\u00e9\nLa dame de la haulte garde\nQui de sa tour aval regarde\nC'est Raison ainsi appell\u00e9e\nOr est de sa tour d\u00e9vall\u00e9e\nEt tout droit vers moy est venue.\nEt n'estoit vieille ne chenue\nNe trop maisgre, maisgre ne grasse\nSemblablement haulte ne basse\nLes yeulx qui en son chief estoyent\nComme deux estoilles luysoient\nAu chief avoit une couronne\nBien ressemblant haulte personne\nA son semblant et a son vis\nComme form\u00e9e en Paradis :\nCar nature ne scavoit pas\nOeuvre faire de tel compas\nSaichez si la lettre ne ment\nQue Dieu la fit nomm\u00e9ement\nA sa semblance et son ymaige\nEt luy donna tel avantaige\nQu'elle a povoir et seigneurie\nDe garder l'homme de follye\nMais qu'il soit tel que bien la croye\nAinsi comme me d\u00e9mentoye\nRaison a moy parler commence\nRaison a l'Amant\nBeau amys Folye et Enfance\nT'ont mis en peine et en esmoy,\nMal visas au beau temps de moy\nQui trop fit ton cueur esgayer.\nTu allas trop mal umbroyer\nAu vergier dont Oyseuse porte\nLa clef dont elle ouvrit la porte\nFol est qui s'acointe d'Oyseuse\nSon acointance est trop p\u00e9rilleuse\nBien t'a trahy, bien t'a d\u00e9ceu,\nCar Amours jamais ne t'eust veu\nSi Oyseuse ne t'eust conduit\nAu doulx vergier ou est D\u00e9duit\nOui d'affoler gens a l'usaige\nMais foleur n'est pas vasselaige.\nSi tu as follement ouvr\u00e9\nFais or tant qu'il soit recouvr\u00e9\nCar la folie moult empire\nCelluy qui tost ne s'en retire\nGarde donc bien que tu ne croyes\nLe conseil par qui tu souloyes\nBien folloye qui se chastie\nEt quant jeune homme faict folie\nOn ne s'en doit esmerveiller\nJe te viens dire et conseiller\nQue l'Amour mettes en oubly\nDont je te voy si affoibly\nSi afflig\u00e9 et tourment\u00e9.\nJe ne vois mye ta sant\u00e9\nNe ta garison mesmement\nCar moult d\u00e9sire mallement\nDangier le faulx te guerroyer.\nTu n'es pas or a l'essayer.\nEncor Dangier riens ne me monte\nEnvers ma belle fille Honte\nQui les roses deffend et garde\nComme celle qui n'est musarde\nEt a pour compaignie peur\nDont tu dois avoir grand frayeur\nEt avec eulx est Malle bouche\nQui ne seuffre que nul y touche\nAvant que la chose soit faicte\nLa a il en cent lieux retraicte\nMoult as affaire a malle gent\nRegarde lequel est plus gent\nOu de laisser ou de poursuyvre\nCe qui te fait en douleur vivre\nC'est le mal qui Amours a nom\nOu n'est que tout mal sans renom\nFollie si doit chascun croire\nCar qui ayme ne peult bien faire\nNe beau vaisselage comprendre\nS'il est clerc il perd son apprendre\nEt puis s'il faict aultre mestier\nGueres n'en pourra exploicter\nAinsi a celluy plus de peine\nQu'aulcun hermite ne blanc moine\nLa peine en est desmesur\u00e9e\nEt la joye a courte dur\u00e9e.\nQui joye en a bien peu luy dure\nEt de l'avoir est adventure\nCar je voy que maintz se travaillent\nQui en la fin du tout y faillent\nOncques mon conseil n'entendis\nQuant au dieu d'Amours te rendis\nLe cueur que tu as trop vollaige\nTe fit comprende tel oultraige\nUne folie est tost emprise\nMais d'en yssir est la mesprise,\nMais est amour a nonchalloir\nQui te peult nuyre et non valoir\nCar folie est trop acourant\nQuant on ne luy court au devant\nPrens hardiment aux dens le frain\nEt d'honte ton cueur a refrain\nTu dois mettre forte deffence\nEncontre ce que ton cueur pense\nQui tousjours son couraige croit\nNe peult estre que fol ne soit.\n<\/pre>\n\n\n\n
Cy respond l’Amant par rebours…<\/h3>\n\n\n\n
Cy respond l'Amant par rebours\nA Raison qui luy blasme Amours\nQuant j'euz ouy ce chastiment\nRespondy furieusement\nDame je vous vueil moult prier\nQue me laissez de chastier\nVous me dictes que je refraine\nMon cueur qu'Amours ne le retienne\nCuydez vous qu'Amours se consente\nQue je refrainne et que d\u00e9mente\nLe cueur qui est a soy tout quictes\nEstre ne peult ce que vous dictes\nAmour a mon cueur tant dompt\u00e9\nQui n'est plus en ma voulent\u00e9.\nIl a ung mestier si forment\nQu'il luy a faicte clef fermant\nPource laissez moy du tout faire\nVous pourriez gaster tout l'affaire\nEt useriez vostre francoys.\nMieulx vouldroye mourir aincoys\nQu'Amours or m'eust de Faulcet\u00e9\nNe de Raison la arrest\u00e9.\nIl me veult louer ou blasmer\nAu dernier de mes maulx d'aymer\nDont m'ennuye qui ne chastie.\nAdonc s'est raison d\u00e9partie\nQui bien voit que pour sermonner\nDe ce ne me pourroit tourner.\nJe demeure seul d'ire plains\nSouvent pleure et souvent me plains\nCar de moy n'euz point chevissance\nTant qu'il me vint en remembrance\nQu'Amours me dist lors que je quisse\nUng compaignon a qui je deisse\nMon conseil tout entierement\nPour moy oster de grant tourment\nAdonc pourpensay que j'avoye\nOng compaignon que je scavoye.\nBon et loyal, Amys eut nom\nOncques n'euz si bon compaignon.\n<\/pre>\n\n\n\n
Comment par le conseil d’Amours…<\/h3>\n\n\n\n
Comment par le conseil d'Amours\nL'Amant vint faire ses clamours\nA Amys qui tout lay compta\nLequel moult le r\u00e9conforta\nA Amys vins par grant allure\nEt luy dis tout l'encloueure\nDont je me sentoye enclou\u00e9\nSi comme Amours m'avoit lou\u00e9\nA luy me plaingny de Dangier\nQui tant me vouloit ledangier\nEt Bel Acueil fit en aller\nQuant il me vit a luy parler\nDu bouton a qui je tendoye\nEt me dist que le comperroye\nSi jamais par nulle achoison\nMe voyoit passer la cloison\nQuant Amys sceut la v\u00e9rit\u00e9\nIl ne m'a pas espovent\u00e9.\n<\/pre>\n\n\n\n
Comment Amys moult doulcement…<\/h3>\n\n\n\n
Comment Amys moult doulcement\nDonne r\u00e9confort a l'Amant\nIl me dist compaignon or soyez\nSeur et point ne vous esmayez,\nJe congnois de pieca Dangier\nPres a mal dire et ledangier\nA menasser et a mesdire\nCeulx qui luy veullent contredire,\nJe l'ay de pieca esprouv\u00e9.\nSi vous l'avez f\u00e9lon trouv\u00e9\nTout aultre sera au dernier\nJe le congnois comme ung denier.\nAmollir vous le pourrez bien\nPar prieres et beau maintien.\nJe vous diray que vous ferez,\nJe vueil que vous le requerez\nVous pardonner sa malveillance\nPar amour et par accordance :\nEt luy mettez bien en couvant\nQue jamais de lors en avant\nRien ne ferez qui luy desplaise\nMais toute chose qui luy plaise\nCar il veult bien qu'on le blandist.\nL'Amant\nTant parla Amys et tant dist\nQu'il m'a presque r\u00e9confort\u00e9\nEt le hardement apport\u00e9\nEn mon cueur d'aller assayer\nSi Dangier pourray allyer.\n<\/pre>\n\n\n\n
Comment l’Amant vint a Dangier…<\/h3>\n\n\n\n
Comment l'Amant vint a Dangier\nLuy prier que plus laidangier\nNe le voulsist, et par ainsi\nHumblement luy crioit mercy\nA Dangier suis venu honteux\nDe ma paix faire convoiteux,\nMais la haye ne passay pas\nPource qu'il m'eust ny\u00e9 le pas.\nJe le trouvay sur piedz dress\u00e9\nPar f\u00e9lon semblant courrouss\u00e9\nEn sa main ung baston d'espine.\nJe me tins vers luy la teste encline\nEt luy diz sire je suis icy\nVenu pour vous crier mercy\nMoult me desplaist amerement\nQue vous courroucay nullement,\nMais je suis prest de l'amender\nComme le vouldrez commander.\nCertes Amour le me fit faire\nDont je ne puis mon cueur retraire,\nMais je n'auray jamais plaisance\nDe chose dont ayez nuysance.\nJ'ayme mieulx souffrir ma malaise\nQue faire riens qui vous desplaise,\nSi vous requiers que vous ayez\nPiti\u00e9 de moy et appaisez\nVostre ire qui fort m'espovente,\nEt je vous jure mon entente\nQue vers vous je me contiendray\nEt plus en riens ne m'esprendray.\nPource vueillez moy octroyer\nCe que ne me debvez nyer,\nVueillez que j'ayme sans escande\nAultre chose ne vous demande,\nToutes voz aultres volentez\nFeray si ce me consentez.\nVous ne me povez destourber\nJe ne vous quiers de ce lober,\nCar j'aymeray puis qu'il me plaist\nQuoy qu'il en soit bel ou desplaist,\nMais je ne vouldroys pour finance\nQu'il fut a vostre desplaisance.\nMoult trouvay Dangier lait et lent\nA pardonner son maltalent\nToutesfois il m'a pardonn\u00e9\nEn la fin tant l'ay sermonn\u00e9,\nEt me dit par sentence briefve.\nDangier a l'Amant\nTa parolle riens ne me griefve\nSi ne te vueil pas esconduyre\nCertes je n'ay vers toy point d'yre.\nSi tu aymes il ne m'en chault\nSe ne me faict ne froit ne chault,\nOr aymes donc, mais que tu soyes\nLoing de mes roses, toutesvoyes\nTu n'en auras mal, paour n'en ayes\nSi tu passes jamais les hayes.\nL'Amant\nAinsi m'octroya ma requeste\nEt je l'alay compter en feste\nA Amys qui s'en jouyt\nComme courant quant il me ouyt.\nAmys a l'Amant\nOr va bien dit il vostre affaire,\nEncor vous sera d\u00e9bonnaire\nDangier qui fait a maintz tourment\nOuant vers eulx est marry forment.\nS'il estoit pris en bonne vaine\nPiti\u00e9 auroit de vostre paine.\nVous debvez souffrir et attendre\nTant qu'en bon point le puissez prendre\nCar maint f\u00e9lon cueur est vaincu\nPour souffrir souvent et menu,\nCar je l'ay maintesfois trouv\u00e9\nTres f\u00e9lon et bien esprouv\u00e9.\nL'Amant\nMoult me conforta doulcement\nAmys qui mon avancement\nVouloit aussi bien comme moy.\nDe luy prins congi\u00e9 sans esmoy\nA la haye que Dangier garde\nPuis retournay, car moult me tarde\nQue le bouton encor revoye\nPuis qu'avoir ne puis aultre joye.\nDangier se prent garde souvent\nSi je luy tiens bien mon couvent,\nMais garde n'a que luy mesface,\nCar trop redoubte sa menace.\nJe me suis pen\u00e9 longuement\nA faire son commandement\nPour l'acointer et pour l'atraire,\nMais ce me tourne a grant contraire\nQue sa mercy trop me demeure.\nSi voit il souvent que je pleure\nEt que je me plains par soupir\nPource qu'il me fait trop croupir\nDelez la haye que je n'ose\nPasser pour aller a la rose.\nTant feis qu'il a certainement\nCongneu a mon contenement\nQu'amours mallement me maistrise\nEt qu'il n'y a point de faintise\nEn mon cueur ne deslayault\u00e9,\nMais il est de tel cruault\u00e9\nQu'il ne se daigne encor refraindre\nTant me voye pleurer et plaindre.\n<\/pre>\n\n\n\n
Comment Piti\u00e9 avec Franchise…<\/h3>\n\n\n\n
Comment Piti\u00e9 avec Franchise\nAllerent par tresbelle guise\nParler a Dangier pour l'Amant\nQui estoit d'aymer en tourment\nComme j'estoys en ceste paine\nDevers moy vint que Dieu amaine\nFranchise avec elle Piti\u00e9.\nOncques riens n'y eut despit\u00e9 :\nA Dangier allerent tout droit,\nCar l'une et l'autre me vouldroit\nBien aider et tresvoulentier\nAttendu qu'il en fut mestier.\nLa parolle a premiere prise\nPar sa mercy dame Franchise\nEt dist a Dangier fermement.\nFranchise a Dangier\nVous avez tort de cest amant\nQui par vous est si mal men\u00e9\nDont trop estes avillenn\u00e9 :\nCar il n'a pas encor apris\nQu'il ait vers vous de rien mespris.\nS'Amour le faict par force aymer\nLe debvez vous pour ce blasmer,\nTrop plus pert il que vous ne faictes\nQu'il en a maintes paines traictes,\nMais amour ne veult consentir\nQu'il s'en vueille en rien repentir,\nEt qui vif le debvroit larder\nIl ne s'en pourroit pas garder.\nMais beau sire qui vous avance\nDe luy faire paine et grevance,\nAvez vous guerre a luy emprise\nPuis que tant il vous ayme et prise\nAussi qu'il est de voz subjectz.\nS'Amours le tient pris en ses rethz\nEt le faict a luy ob\u00e9yr\nLe debvez vous pourtant hayr\nNon, mais le deussiez espargnier\nPlus que l'orgueilleux pautonnier.\nCourtoysie veult qu'on sequeure\nCelluy dont on est au dessure,\nMoult a dur cueur qui n'amollie\nQuant il treuve qui le supplie.\nPiti\u00e9 a Dangier\nPiti\u00e9 dist, c'est bien v\u00e9rit\u00e9\nQue Fureur vaincq Humilit\u00e9\nEt quant trop dure l'aygret\u00e9\nC'est follie et grant mauvaiseti\u00e9.\nDangier pour ce vous vueil requerre\nQue vous ne maintenez plus guerre\nVers cest Amant qui languist la\nLequel onc Amour n'avilla.\nAdvis m'est que vous le grevez\nAssez plus que vous ne devez,\nIl eut trop malle p\u00e9nitance\nDes lors enca que l'acointance\nBel Acueil luy avoit fortraicte\nC'est la chose qu'il plus couvoite.\nIl fut assez devant troubl\u00e9\nMais ores en son mal doubl\u00e9\nComme de mort est assailli\nQuant Bel Acueil luy est failli.\nPourquoy luy estes vous contraire\nTrop grant mal luy fait Amour traire,\nCar tant de mal soustient qu'el n'eust\nBesoing d'avoir pis s'il vous pleust.\nOr ne l'allez contrariant,\nCar en fin n'en serez riant,\nSouffrez que Bel Acueil luy face\nD\u00e9sormais quelque bien et grace\nAux p\u00e9cheurs fault mis\u00e9ricorde\nPuis que Franchise si accorde,\nJe vous en prie et admonneste\nNe refusez pas sa requeste,\nCar trop est fol et despitaire\nQui pour nous deux ne veult rien faire.\nLors ne peult plus Dangier durer\nAins le fallut amesurer.\nDangier a Franchise et Piti\u00e9\nDames dit il je ne vous ose\nEsconduire de ceste chose,\nCar trop seroit grant villennie.\nJe vueil qu'il ayt la compaignie\nDe Bel Acueil puis qu'il vous plaist\nJe n'y mettray jamais arrest.\nL'Acteur\nLors est a Bel Acueil all\u00e9e\nFranchise la bien empar\u00e9e\nEt luy a dit courtoysement\nFranchise a Bel Acueil\nTrop vous estes de cest Amant\nBel Acueil grant piece eslongn\u00e9\nRegarder ne l'avez daign\u00e9\nDont ses pensers sont durs et tristes\nDepuis le temps que ne le vistes\nOr pensez de le resjouyr\nSi de m'amour voulez jouyr\nEt de faire sa voulent\u00e9.\nSaichez que nous avons dompt\u00e9\nMoy et Piti\u00e9 tresbien Dangier\nQui vous en faisoit estrangier.\nBel Acueil aux deux dames\nJe feray tout vostre plaisir\nDames ainsi le vueil choisir\nPuis que Dangier l'a octroy\u00e9.\nL'Amant\nLors le m'a Franchise envoy\u00e9\nBel Acueil au commencement\nMe salua moult doulcement.\nS'il eust est\u00e9 de moy tyr\u00e9\nArriere n'en fut empir\u00e9\nMais il monstra plus beau semblant\nQu'il n'avoit fait oncques devant\nLuy adonc par la main m'a pris\nPour mener dedans le pourpris\nQuet Dangier m'avoit calengi\u00e9\nEt eu d'aller par tout congi\u00e9.\n<\/pre>\n\n\n\n
Comment Bel Acueil doulcement…<\/h3>\n\n\n\n
Comment Bel Acueil doulcement\nMene l'Amant joyeusement\nAu vergier pour veoir la rose\nQui luy fut d\u00e9lectable chose\nJe fuz venu ce m'est advis\nD'ung bas Enfer en Paradis\nCar Bel Acueil par tout me mene\nQui a faire mon gr\u00e9 se peine\nComme j'euz la rose approch\u00e9e\nUng peu la trouvay engross\u00e9e\nEt congneuz qu'elle estoit plus creue\nQue quant au premier je l'euz veue\nEt avec ce s'eslargissoit\nPar dessus si m'embellissoit\nDe ce qu'el n'estoit si ouverte\nQue la graine fust descouverte,\nAincois estoit encore close\nEntre les fueilles de la rose\nQui amont droictes se levoyent\nEt la place dedans employent\nOr ne povoit paroir la graine\nPour la place qui estoit pleine\nElle fut lors Dieu la b\u00e9nye\nTrop plus belle que espanouye\nPlus gracieuse et plus vermeille\nMoult m'esbahys de la merveille\nComment elle estoit embellye\nPource qu'Amour plus fort me lye\nEt de tant plus estraint ses las\nComme je y prens plus de soulas\nGrant piece ay illec demeur\u00e9\nDe Bel Acueil enamour\u00e9\nQue je trouvay grant compaignie\nEt quant j'ay veu qu'il ne me nye\nNe son soulas ne sa devise\nUne chose luy ay requise\nQui bien est a ramentevoir.\nSire dis je, saichez de veoir\nQue je suis moult fort envieux\nD'avoir ung baiser savoureux\nDe la rose qui si fort flaire\nEt s'il ne vous debvoit desplaire\nJe vous requerroye ce don\nPour Dieu sire dictes le don\nEt j'auray du baiser l'octroy.\nTresdoulx amy or dictes moy\nTost s'il vous plaist que je la baise\nLa chose ne vous doit desplaire.\nBel Acueil escondit l'Amant\nAmy dit il si Dieu me gard\nSi Chastet\u00e9 n'avoit regard\nJa ne vous fust par moy ny\u00e9\nMais je n'ose pour Chastet\u00e9\nVers laquelle ne veulx mesprendre\nEt m'a voulu tousjours deffendre\nQue du baiser congi\u00e9 ne donne\nA nul amant qui m'en sermonne\nCar qui a baiser peult attaindre\nA peine peult a tant remaindre\nEt saichez qui l'on octroye\nLe baiser il a de sa proye\nLe mieulx et le plus advenant\nEt avec ce le remanant.\nL'Amant\nQuant je l'ouys ainsi respondre\nPlus ne le veulx de ce semondre\nTant le doubtoye a courroucer.\nL'on ne doit pas aulcun presser\nOultre son gr\u00e9 ne prier trop.\nVous scavez bien qu'au premier cop\nOn ne couppe pas bien ung chesne\nEt n'a on pas les vins de Lesne\nTant qu'ilz soyent estrains et pressez\nL'octroy si me tarda assez\nDu baiser que je d\u00e9siroye,\nMais V\u00e9nus qui tousjours guerroye\nChastet\u00e9 me vint au secours\nC'est la mere au grant dieu d'Amours\nQui a secouru maint amant.\nEl tenoit ung brandon flammant\nEn sa main destre dont la flamme\nA eschauff\u00e9e mainte dame.\nElle fut cointe et bien coiff\u00e9e\nD\u00e9esse sembloit ou f\u00e9e\nPar le grant atour qu'elle avoit.\nBien peult congnoistre qui la veoit\nQue point n'est de religion.\nJe en feray cy mention\nDe son habit tant d\u00e9cor\u00e9\nNe de son beau tissu dor\u00e9\nDu fermail ne de sa courroye\nCar a cela trop demeurroye\nMais bien saichez certainement\nQue vestue estoit coinctement\nEt point n'estoit en elle Orgueil\nV\u00e9nus se trait vers Bel Acueil\nEt luy a commenc\u00e9 a dire\nV\u00e9nus a Bel Acueil\nPourquoy vous faictes vous beau sire\nVers cest Amant si dangereux\nD'avoir ung baiser amoureuz\nVous ne luy deussiez refuser\nCar vous scavez bien et voyez\nQu'il sert et ayme en loyault\u00e9\nEt en luy est assez beault\u00e9\nCy qu'il est digne d'estre aym\u00e9\nVoyez comme il est bien form\u00e9\nComme il est beau, comme il est gent\nFranc et courtoys a toute gent\nEt avec ce il n'est pas vieulx\nMais est jeune, dont il vault mieulx\nIl n'est dame ne chastelaine\nQue je ne tienne pour villaine\nS'elle faisoit de luy Dangier\nEn luy octroyant ce loyer\nDonc le baiser luy octroyez\nMieulx ne vous scauriez employer.\nJe cuide que la doulce alaine\nEt sa bouche n'est pas villaine\nNe faicte pour a nulluy nuyre\nMais pour soulacer et desduyre\nCar ces levres sont vermeillettes\nEt a les dens blanches et nettes\nEt n'y a tache ny ordure\nBien est ce m'est advis droicture\nQu'ung baiser luy soit octroy\u00e9\nIl luy sera bien employ\u00e9\nCar tant plus que vous attendrez\nAutant de temps saichez perdrez .\n<\/pre>\n\n\n\n
Comme l’ardant brandon V\u00e9nus…<\/h3>\n\n\n\n
Comme l'ardant brandon V\u00e9nus\nAyda a l'Amant plus que nulz\nTant que la rose alla baiser\nPour mieulx son amour appaiser\nBel Acueil qui sentit l'odeur\nDu brandon du feu et l'ardeur\nUng baiser m'octroya en don\nAu moyen d'icelluy brandon\nJe ne fuz guere demeur\u00e9\nQu'ung baiser doulx et savour\u00e9.\nJ'euz de la belle rose pris\nDont de joye fut moult surpris\nCar telle odeur m'entra au corps\nQu'il en tyra la douleur hors\nEt adoulcit le mal d'aymer\nQui long temps m'eust sembl\u00e9 amer\nJe ne fuz oncques si tres aise\nBien est gary qui tel fleur baise\nQui tant est doulce et redolent\nJe ne seray ja si dolent\nS'il m'en souvient que je ne soye\nTout plain de soulas et de joye\nMais non pourtant j'ay maintz ennuitz\nSouffers, et maintes malles nuitz\nDepuis qu'euz la rose bais\u00e9e\nLa mer n'est point si appais\u00e9e\nQu'el ne se trouble a peu de vent\nAmours si se changent souvent.\nOr est il temps que je vous compte\nComment je fuz men\u00e9 a honte\nPar qui je fuz puis moult grev\u00e9\nEt comment le mur fut lev\u00e9\nEt le chasteau puissant et fort\nQu'Amours print puis par son effort\nToute l'histoire vueil poursuivre\nEt la declarer a d\u00e9livre\nAffin qu'elle revienne et plaise\nA la belle que Dieu tienne aise\nQui bon guerdon or m'en vendra\nMieulx que quant nulle luy plaira\nMalle Bouche plain de ruine\nDe maint amant pense et divine\nEt tout le mal qu'il scet retrait.\nGarde se print du doulx atrait\nQue Bel Acueil me daigna faire\nEt tant qu'il ne s'en peult plus faire\nIl fut filz d'une vieille ireuse\nEt langue avoit moult p\u00e9rilleuse\nTresfort puante et moult amere\nMieulx en resembloit a sa mere.\nMalle Bouche des lors en ca\nA nous accuser commenca.\nEt si dist qu'il mettroit son oeil\nPour veoir si moy et Bel Acueil\nAvions mauvais acointement.\nTant parla le faulx follement\nDe moy et filz de Courtoisie\nQu'il fit esveiller Jalousie\nQui se leva par grant frayeur\nQuant elle eut ouy le jengleur\nIncontinent elle s'est lev\u00e9e\nCourant comme toute insens\u00e9e\nVers Bel Acueil qui aymast mieulx\nEstre ravy jusques aux cieulx.\n<\/pre>\n\n\n\n
Comment par la voix Male Bouche…<\/h3>\n\n\n\n
Comment par la voix Male Bouche\nQui des bons souvent dit reprouche\nJalousie moult doulcement\nTensa Bel Acueil pour l'Amant\nPar parolles fut assailly\nPourquoy as tu le cueur failly\nDit elle tres mauvais garson\nDont j'ay mauvaise souspeson.\nBien pert que tu crois losengiers\nTrop tost telz garsons estrangiers.\nEn toy plus ne me veulx fier,\nMais estroict te feray lier\nEt enferrer en une tour,\nCar je ne voy aultre retour.\nTrop s'est de toy honte eslongn\u00e9e\nEt si ne s'est pas bien songn\u00e9e\nDe toy pour te tenir de court.\nIl m'est advis qu'elle secourt\nMoult mauvaisement Chastet\u00e9\nPuis qu'ung garson mal arrest\u00e9\nLaisse a nostre pourpris venir\nPour elle et moy avillenir.\nL'Amant\nBel Acueil ne sceut que respondre\nAincois lors s'en alla escondre\nSi qu'il ne fust illec trouv\u00e9\nEt prins avec moy reprouv\u00e9\nMais quant je vis venir la grive\nQui contre moy tanse et estrive\nJe fuz tantost tourn\u00e9 en fuyte\nPour la riotte qui me incite.\nHonte c'est dehors avant traicte\nQui moult se cuyde estre forfaicte\nEn se monstrant humble et tres simple.\nUng voile avoit en lieu de gimple\nAinsi comme nonnain d'abbaye,\nEt pource qu'el fut esbaye\nCommenca a parler tout bas.\nHonte parlant a Jalousie\nPour Dieu dame ne croyez pas\nMalle Bouche le losengier\nVeu qu'il est pour nous laidangier,\nCar maint preud'homme a amus\u00e9.\nIl a Bel Acueil accus\u00e9,\nMais ce n'est mie le premier.\nMalle Bouche est bien coustumier\nDe racompter faulces nouvelles\nDe damoyseaulx et damoyselles,\nSans faulte ce n'est pas mensonge\nBel Acueil en son faict ne songe.\nOn luy a souffert a attraire\nTelz gens dont il n'avoit que faire,\nMais certes je n'ay pas cr\u00e9ance\nQu'il eust oncques nulle science\nDe mauvaisti\u00e9 ne de follye,\nMais il est vray que Courtoysie\nQui est sa mere luy enseigne\nQue d'acointer gens ne se faigne.\nOncques n'ayma qu'en bonne guise\nPar courtoysie et sans faintise,\nEn son amour n'est aultre chose\nSinon joyeuset\u00e9 enclose\nEt qu'il se esbat et dit parolle\nSans faillir j'ay est\u00e9 trop molle\nDe le garder et chastier\nDont je vous veulx mercy crier.\nSi j'ay est\u00e9 ung peu trop lente\nDe bien faire j'en suis dolente,\nDe ma folie me repens,\nMais je mettray tout mon pourpens\nAdonc pour Bel Acueil garder,\nJamais ne m'en quiers retarder.\nJalousie parle a Honte\nAdonc respondit Jalousie\nHonte, j'ay paour d'estre trahie\nCar Lecherie est tant mont\u00e9e\nQue trop pourroit estre ahont\u00e9e\nMerveille n'est si je m'en deulx,\nCar Luxure regne en tous lieux\nSon pouvoir ne fine de croistre\nSoit en abbaye ou en cloistre\nEt n'est point Chastet\u00e9 assur,\nPource feray de nouvel mur\nClorre les rosiers et les roses.\nSi que plus ne seront descloses\nEn vostre garde peu me fie,\nCar je congnois je vous affie\nQue l'on pert trop en telle garde.\nOn me tiendroit bien pour musarde\nSi garde je ne m'en prenoye.\nCertes je clorray fort la haye\nA ceulx qui pour me varier\nViennent les roses espier.\nIl ne me sera ja paresse\nQue ne face une forteresse\nQui les roses clorra autour.\nAu meillieu sera une tour\nPour Acueil mettre en la prison\nCar j'ay trop grant paour de Raison\nJe croy si bien garder son corps\nQu'il n'aura povoir d'issir hors\nAussi compaignie tenir\nAux garsons qui pour le honnir\nDe parolles le vont huant.\nTrop l'ont trouv\u00e9 nice et truant\nFol et l\u00e9gier a recepvoir,\nMais si je vis saichez de voir\nQue trop mal leur fit Faulx Semblant.\nL'Acteur\nA ce mot survint Paour tremblant\nMais elle fut si esbaye\nQuant elle eut ouy Jalousie\nQu'oncques ne luy osa mot dire\nPource qu'el la sentoit en yre.\nEl se tira en aultre part\nEt Jalousie a tant se part.\nPaour et Honte laissa ensemble\nAusquelz le cueur du corps leur tremble,\nMais Paour qui tint la teste encline\nParla a Honte sa cousine.\nPaour parle a Honte\nHonte dist elle moult me poise\nDont il nous convient ouyr noyse\nCar jamais nous n'eusmes diffam\u00e9\nAulcun reproche ne aulcun blasme.\nOr nous ledange Jalousie\nQui nous mescroit de villennie,\nAllons a Dangier hardiment\nEt luy d\u00e9monstrons clerement\nQu'il a faicte lasche entreprise\nCar il n'a pas grant paine mise\nA bien garder cestuy vergier.\nNous luy dirons pour abr\u00e9gier\nQue trop a Bel Acueil souffert\nA faire son gr\u00e9 en appert\nEt qu'il se gouverne aultrement\nOu qu'il saiche certainement\nQue fuir fault de ceste terre,\nCar porter ne pourrois la guerre\nDe Jalousie ne l'attaine\nS'il la recueilloit en sa haine.\n<\/pre>\n\n\n\n
Comment Honte et Paour aussi…<\/h3>\n\n\n\n
Comment Honte et Paour aussi\nVindrent a Dangier par soussi\nDe la rose le ledangier\nQue bien ne gardoit son vergier\nA ce conseil se sont tenues\nPuis s'en sont a Dangier venues\nEt l'ont trouv\u00e9 tres mal plaisant\nDessoubz ung aubespin gisant.\nEn lieu avoit de chevecel\nSoubz son chief d'herbe ung grant moncel\nQui commencoit a sommeillier.\nMais Honte l'a fait esveillier\nQui le blasma et courut seure.\nHonte a Dangier\nComment dormez vous a ceste heure\nDangier par tres malle adventure\nFol est cil qui en vous s'assure\nPour garder rose ne bouton\nNemplus que queue de mouton.\nVous estes lasche comme mouche\nQui deussiez estre fort farouche\nEt toutes les gens d\u00e9bouter.\nFolie vous a fait bouter\nEn ce vergier par grand meffait\nBel Acueil dont blasmer nous fait.\nQuant vous dormez nous en avons\nLa noyse, et mes nous n'en povons.\nVous estes vous ores couch\u00e9,\nOr vous levez et soit bouch\u00e9\nChascun pertuys de ceste haye\nFaictes tant que chascun vous haye\nCar il n'affiert a vostre nom\nQue vous faciez se ennuy non.\nSi franc et doulx est Bel Acueil\nFier devez estre et plain d'orgueil\nEt de mocquerie et d'oultraige,\nCar ung vilain courtois est raige.\nJ'ay ouy ce n'est d'huy ne d'hier\nDire qu'on ne peult espervier\nEn nul temps faire d'ung buysart\nTous ceulx vous tiennent pour musart\nQui vous ont trouv\u00e9 d\u00e9bonnaire.\nVoulez vous doncques aux gens plaire\nEt faire service et bont\u00e9\nCe vous vient de grant lachet\u00e9.\nVous avez bruyt de toute gent\nD'estre trop lasche et n\u00e9gligent\nEt que vous croyez jenglerie,\nPuis Paour luy dist sans mocquerie.\nPaour a Dangier\nCertes Dangier moult m'esmerveil\nQue n'estes en plus grant esveil\nDe garder ce que vous devez,\nTrop en pourriez estre grevez\nSi Jalousie lors en groingne.\nElle est moult fiere et moult griffoingne\nQui de tencer scet l'industrie.\nElle en a fort Honte assaillie\nEt chass\u00e9 par sa grand menace\nBel Acueil hors de ceste place\nEt jur\u00e9 qu'el ne quiert durer\nSi vif ne la fait emmurer.\nC'est tout par vostre mauvaisti\u00e9,\nCar vous n'avez pas bien guett\u00e9,\nEt croy que cueur vous est failly,\nMais mal en serez acueilly\nEt l'heure cens fois mauldirez\nQue Jalousie congneue aurez.\nL'Acteur\nLe villain leva son aumusse\nFronca les yeulx ses dens ne musse\nEt fut plain d'ire et enroueill\u00e9\nLe nez fronc\u00e9 le vis roueill\u00e9\nQuant il se vid si malmener.\nDangier\nJe puis dist il bien forcener\nQuant vous me tenez pour vaincu\nOr ay je certes trop vescu\nSi ce pourpris ne peulx garder\nTout vif me puisse on larder\nSi jamais homs vivans y entre\nTrop yr\u00e9 suis au cueur du ventre\nPuis qu'aulcun y a mis le pi\u00e9\nMieulx aymasse d'ung espi\u00e9\nEstre f\u00e9ru parmy le corps\nJe fis que fol bien me recors.\nSi m'amenderay par vous deux\nJamais ne seray paresseuz\nDe ceste closture deffendre\nSi je y peulx aulcun entreprendre\nMieux luy vauldroit estre a Pavie\nJamais en nul jour de ma vie\nNe me tiendray pour recr\u00e9ant\nNul n'y viendra tant soit bruyant\nL'Amant\nLors s'est Dangier sur pied dress\u00e9\nSemblant faict estre courrouc\u00e9\nEn sa main ung baston a pris\nEt va cherchant par le pourpris\nS'il trouvera pertuys ne trace\nNe sente affin qu'elle la face\nEstouper diligentement.\nDangier est chang\u00e9 aultrement\nCar il m'est beaucoup plus divers\nQu'il ne souloit et plus pervers\nEt plus fier qu'il ne souloit estre\nIl est trop p\u00e9rilleux estre\nCar je n'auray jamais loysir\nDe veoir ce que j'ay en d\u00e9sir\nMoult ay le cueur du ventre yr\u00e9\nD'avoir Bel Acueil conjur\u00e9\nEt bien saiches que chascun membre\nMe fr\u00e9mist quant je me remembre\nDe la rose que je souloye\nVeoir de bien pres quant je vouloye\nEt quant du baiser suis recors\nQui me mit une odeur au corps\nAssez plus doulce que de basme\nA bien peu que je ne me pasme\nCar encor ay au cueur enclose\nLa doulce saveur de la rose\nEt saiches quant il me souvient\nQue ainsi eslongner me convient\nEt qu'avoir ne peulx mon devis\nMieulx vouldroys estre mort que vis,\nMal toucha la rose a ma bouche\nS'amour ne seuffre que j'atouche\nUne aultre fois encor a elle\nJ'en ay trouv\u00e9 la saveur telle\nQue trop grande est sa couvoitise\nQui esprent mon cueur et attise\nMoult me viendront pleurs et souspirs\nLongues pens\u00e9es cours dormirs\nFrissons et plaintes et complaintes\nTelles douleurs auray je maintes\nOr suis je cheu en telle peine\nPar Malle Bouche la haultaine\nSa langue desloyalle et faulse\nM'a pourchass\u00e9e ceste faulse\n<\/pre>\n\n\n\n
Comment par envieux atour…<\/h3>\n\n\n\n
Comment par envieux atour
Jalousie fit une tour
Pour enfermer et tenir prins
Bel Acueil qui avoit surprins
Maintenant droit est que vous die
La maniere de Jalousie
Qui est malle suspection.
Il n'y eut au pays macon
Ne pionnier qu'elle ne mande
Et leur fit faire par commande
Entre les rosiers grans fossez
Qui cousteront deniers assez
Car ilz sont larges et profons
Dessus les bors font les macons
Ung mur de quarreaux bien taillez
Bien apointez et habillez
Dont le fondement par mesure
Est assis sur roche tresdure
Jusque au pied du foss\u00e9 d\u00e9cent
Vient amont en estr\u00e9cissant
Car l'oeuvre en est plus forte assez
Les murs furent si compassez
Qu'ilz sont d'une mesme quarrure
Chascun cent toyses de pas dure
Et sont autant longs comme lez.
Les tournelles sont les alez
Qui richement sont entaill\u00e9es
Et faictes de pierres taill\u00e9es.
Aux quatre coings en y a quatre
Qui seroient fortes a abatre.
Et si y a quatre portaulx
Dont les murs sont espes et haulx,
Il en y a ung au devant
Bien deffensable et ensuyvant
Deux de cost\u00e9 et ung derriere
Qui ne doubte coup qu'on luy fiere.
Bonnes portes sont la coulans
Pour faire ceulx dehors doulans
Et pour eulx prendre et retenir
S'ilz osassent avant venir
Et au meillieu de la pourprise
Est une tour de grant devise
Bien faicte d'ouvrier et de maistre
Nulle plus belle ne peult estre.
Elle fut forte, large, et haulte
Dont le mur n'en doit faire faulte
Pour engin, qu'on saiche getter
Car on destrampa le mortier
De fort vin aigre et de chaux vive
La pierre est de roche nayve
Dont on a fait le fondement
Qui est dure comme ayment
Celle tour la fut toute ronde
Plus belle n'est en tout le monde
Ne par dedans mieulx ordonn\u00e9e.
Elle est dehors environn\u00e9e
D'unes Iyesses qui sont entour
Entre les Iysses et la tour
Sont les rosiers espes plantez
Ou roses sont a grand plantez
Dedans ceste tour a pierrieres
Et engins de maintes manieres
Vous pourriez bien les mangonneaux
Veoir par dessus les haulx carreaux,
Et aux archieres de la tour
Sont arbalestres tout entour
Pour mieulx la deffence tenir.
Qui pres des murs vouldroit venir
Il pourroit bien estre trop nices
Dehors des murs sont unes Iysses
De bon fort mur a carneaulz bas
Si que chevaulx ne pevent pas
Venir aux fossez d'une all\u00e9e
Qu'il n'y eust avant grant mesl\u00e9e
Jalousie a garnison mise
Au chasteau que je vous devise
Et m'est advis que Dangier porte
La clef de la premiere porte
Qui ouvre devers orient
Avec elle a mon escient
Trente sergens la sont par conte
Et l'autre porte garde Honte
Qui ouvre par devers midy
Elle fut moult saige, et vous dy
Qu'elle eut sergens a grant plante
Pres a faire sa voulente.
Peur eut grant connestablerie
Et fut a garder establie
L'autre porte qui fust assise
A main senestre contre byse.
Paour si ne sera ja asseure
S'elle n'est enclose a serreure
Et si ne l'ouvre pas souvent
Car quant elle oyt bruyre le vent
Ou petites souris saillir
Elle commence a tressaillir
Malle Bouche que Dieu maudie
Eut souldoyers de Normandie
Qui gardent la porte destroictz.
Et si saichez bien qu'aultres troys
Vont et viennent quant il eschet
Qu'il fault faire par nuyt le guet
Il monte le soir aux craneaulx
Et attrempe ses chalemeaulx
Et ses buccines et ses cors.
Une heure dit chans de discors
Et nouveaulx sons de contretailles
Aux chalemeaulx de Cornouailles
Et aultresfois dit a la fluste
Qu'onque femme ne treuva juste
Aulcune n'est qui ne s'en rie
S'elle oyt parler de l\u00e9cherie
Ceste est putte, ceste se farde
Et l'autre follement regarde
Ceste est vilaine, et ceste est fole
Et ceste trop a de parolle
Male Bouche qui riens n'espargne
Sur chascun trouve sa flacargne.
Jalousie que Dieu confonde
Bien a garnie la tour ronde
Et saches bien qu'elle y a mis
Des plus privez de ses amys
Tant qu'il y a grant guarnison
Et Bel Acueil est en prison
Amont en la tour enserr\u00e9
Dont l'huys est si tres fort barr\u00e9
Que puissance n'a qu'il en ysse.
Une vieille que Dieu honnisse
A mis a l'huys pour le guetter
Qui ne faict nul autre mestier
Qu'a espier tant seullement
Qu'il ne se meuve follement
Nul ne la pourroit enginer
Ne pour seigner ne pour guiner.
Elle eut du bien et de l'angoisse
Qu'amours a ses sergens d\u00e9part
En jeunesse moult bien sa part.
Bel Acueil se taist et escoute
Pour la vieille que trop redoubte
Et n'est si hardy qui se meuve
Que la vieille sur luy ne treuve
Car le vieille scait toute dance.
Incontinent que Jalousie
Se fut de Bel Acueil saisie
Et qu'elle l'eut faict emmurer,
Elle se print a assurer
Son chastel qu'elle vit si fort
Et luy donna grant r\u00e9confort.
Elle n'a gard\u00e9 que gloutons
Luy emblent roses ne boutons,
Trop sont les rosiers cloz forment
Dont en veillant et en dormant
Peult elle trop bien estre asseur.
L'Amant
Mais je qui fuz dehors le mur
Fuz livr\u00e9 a mort et a paine
Qui scauroit quel vie je maine
Bien en debvroit grant piti\u00e9 prendre.
Amour me scait ores bien vendre
Les grans biens qu'il m'avoit prestez
Que cuydois avoir achetez.
Il me les vend trop de rechief,
Car je suis en plus grant meschief
Pour la joye que j'ay perdue
Que si je ne l'eusse oncques veue.
Que vous yrois je devisant
Je ressemble bien le paisant
Qui gette en terre sa semence
Et a joye quant il commence
Qu'elle proffite moult en herbe,
Mais devant qu'il en cueille gerbe
La nyele tres fort la greve
Qui a travers le bl\u00e9 se leve
Et fait les grains dedans mourir
Quant les espitz doivent florir
L'esp\u00e9rance luy est tollue
Laquelle trop tost avoit eue.
Ainsi crains je que ne vous mente
Perdre l'esp\u00e9rance et l'attente
Qu'Amours m'avoit tant avanc\u00e9
Et que j'avoye commenc\u00e9
A dire ma grand privault\u00e9
A Bel Acueil qui apprest\u00e9
Estoit de recepvoir mes jeux.
Mais Amours est si couraigeux
Qu'il me tollist tout en une heure
Quant je cuide estre bien asseure.
C'est ainsi comme de fortune
Qui met au cueur des gens rancune
Aultre fois les flate et les hue
En trop petit de temps se mue.
Une heure rit et l'aultre est morne
Ayant une roe qui tourne
Celluy qu'elle veult elle met
Du plus bas amont au sommet,
Et celluy qui est sur la roe
Reverse a un tour en la boe.
Je suis celluy qui est vers\u00e9
Mal veis le mur et le foss\u00e9
Que passer n'ose ne ne puis.
Je n'euz bien ne joye oncques puis
Que Bel Acueil fut en prison,
Car ma joye et ma guarison
Qui est dedans le mur enclose
Est toute en luy et en la rose.
De la conviendra il qu'il ysse
Si Amour veult que je guarisse,
Car ja d'ailleurs ne quiers que j'aye
Honneur, sant\u00e9 ne bien ne joye.
Ha Bel Acueil beau doulx amys
Si vous estes en prison mis
Gardez moy au moins vostre cueur
Et ne souffrez pas pour fureur
Que Jalousie la sauvaige
Mette vostre cueur en servaige
Ainsi comme elle a fait le corps.
S'elle vous chastie dehors
Ayez dedans cueur gayement
Encontre tout son chastiement.
Si le corps en prison est mis
Que le cueur ne soit point soubzmis.
Car franc cueur ne laisse a aymer
Pour battre ne pour diffamer.
Si Jalousie est vers vous dure
Et vous fait ennuy et laidure
Faictes luy du grief a l'encontre,
Et du Dangier qu'elle vous monstre
Vous vengez au moins en pensant
Puis que ne povez aultrement.
Si en ce point vous le faisez
Je me tiendrois bien pour aysez,
Mais je suis en moult grant soucy
Que faire ne veuillez ainsi
Car espoir a comme scavez
Malgr\u00e9 de ce que vous avez
Est\u00e9 pour moy mis en prison.
Si n'esse pas pour mesprison
Que j'aye encor vers vous faicte,
Oncques par moy ne fut retraicte
La chose qui est a celer,
Mais il me poise pour parler
Plus que a vous de celle meschance,
Car j'en seuffre la p\u00e9nitence
Plus grand que nul ne pourroit dire.
A peu que je ne confons dire
Quant il me souvient de ma perte
Qui est si grande et si aperte.
Je ne scay pourquoy desconfort
Ne me donne tantost la mort
Quant je congnois et scay de voir
Ainsi qu'il est bon a scavoir
Que les losengeurs envieux
Sont a me nuyre curieux.
Ilz tendent a vous decepvoir
Vous le povez appercevoir
Et faire tant par leur flavelle
Qu'ilz vous tirent a leur cordelle.
Mais mallement suis esmay\u00e9
Que par vous ne suis oubli\u00e9,
Si je pers vostre bienvueillance
Jamais ailleurs n'auray fiance,
Et si j'avoys perdu Espoir
J'en entrerois en desespoir.
Si apres trespassa Guillaume
De Lorris et n'en fit plus pseaulme.<\/pre>\n\n\n\n